ದೇಶಾದ್ಯಂತ 4,970 ಹೊಸ ಪ್ರಕರಣ,1 ಲಕ್ಷ ಗಡಿ ದಾಟಿದ ಸೋಂಕಿತರ ಸಂಖ್ಯೆ

ನವದೆಹಲಿ: ದೇಶದಲ್ಲಿ ಮಾರಕ ಕೊರೋನಾವೈರಸ್ ಸೋಂಕಿತರ ಸಂಖ್ಯೆ ದಿನದಿಂದ ದಿನಕ್ಕೆ ಹೆಚ್ಚಾಗುತ್ತಲೆ ಇದೆ. ಮಹಾರಾಷ್ಟ್ರ, ಗುಜರಾತ್, ತಮಿಳುನಾಡು ಮತ್ತಿತರ ರಾಜ್ಯಗಳಲ್ಲಿ ಹೆಚ್ಚಿನ ಸಂಖ್ಯೆಯ ಜನರು ಸೋಂಕಿಗೆ ತುತ್ತಾಗಿದ್ದು, ದೇಶಾದ್ಯಂತ ಒಟ್ಟಾರೇ ಸೋಂಕಿತರ ಸಂಖ್ಯೆ 1 ಲಕ್ಷ ಗಡಿ ದಾಟಿದೆ.

ಮೇ.31ರವರೆಗೂ ಕೊರೋನಾವೈರಸ್ ಲಾಕ್ ಡೌನ್ ನ್ನು ಕೇಂದ್ರ ಸರ್ಕಾರ ಭಾನುವಾರ ವಿಸ್ತರಿಸಿದೆ. ಆದರೆ, ಅನೇಕ ವಿನಾಯಿತಿಗಳೊಂದಿಗೆ ಭರವಸೆ ನೀಡಿದಂತಿದೆ.

ಹೊಸ ಮಾರ್ಗೂಸೂಚಿಯಂತೆ ಸಲೂನ್, ಕ್ಷೌರದಂಗಡಿ, ಶಾಫಿಂಗ್ ಕಾಪ್ಲೆಂಕ್ಸ್ ಮತ್ತು ಮಾರ್ಕೆಟ್ ಗಳನ್ನು ತೆರೆಯಲು ನಿನ್ನೆಯಿಂದ ಅವಕಾಶ ನೀಡಲಾಗಿದೆ. ಆದಾಗ್ಯೂ, ದೇಶಿಯ ವಿಮಾನಗಳು, ಶಾಲಾ- ಕಾಲೇಜುಗಳು, ಹೋಟೆಲ್ ಗಳು ದೇಶಾದ್ಯಂತ ಮುಚ್ಚಲ್ಪಟ್ಟಿರುತ್ತವೆ.

ಕಂಟೈನ್ ಮೆಂಟ್ ವಲಯಗಳನ್ನು ಹೊರತುಪಡಿಸಿ ಸರ್ಕಾರದಿಂದ ವಲಯವಾರು ನಿರ್ಬಂಧವಿಲ್ಲ ಮತ್ತು ಆರೋಗ್ಯ ಸಚಿವಾಲಯದ ಅಂಕಿಸಂಖ್ಯೆಗಳೊಂದಿಗೆ  ಕೆಂಪು, ಹಳದಿ ಮತ್ತು ಹಸಿರು ವಲಯವನ್ನಾಗಿ ರೂಪಿಸುವ ಅಧಿಕಾರವನ್ನು ಆಯಾ ರಾಜ್ಯಗಳಿಗೆ ನೀಡಲಾಗಿದೆ.