ಕಟಪಾಡಿ: ರೈಲ್ವೇ ಹಳಿಯಲ್ಲಿ ಯುವಕನ ಶವ ಪತ್ತೆ

ಕಾಪು: ಕಟಪಾಡಿ ಬಳಿಯ ಅಚ್ಚಡ ರೈಲ್ವೇ ಹಳಿಯಲ್ಲಿ ಅಪರಿಚಿತ ಯುವಕನ ಶವ ಇಂದು ಬೆಳಿಗ್ಗೆ ಪತ್ತೆಯಾಗಿದೆ.

ಸಮಾಜ ಸೇವಕರಾದ ಸೂರಿ ಶೆಟ್ಟಿ ಕಾಪು, ಆಸ್ಟಿನ್ ಕೋಟ್ಯಾನ್ ಕಟಪಾಡಿ, ಆಂಬುಲೆನ್ಸ್ ಚಾಲಕ ನಾಗರಾಜ ಛಿದ್ರಗೊಂಡಿರುವ ಯುವಕನ ಶವವನ್ನು ಆಸ್ಪತ್ರೆಗೆ ಸಾಗಿಸುವಲ್ಲಿ ನೆರವಾಗಿದ್ದಾರೆ.

ಯುವಕನ ದೇಹದ ಮುಖ ಭಾಗವು ಹೆಚ್ಚು ಹಾನಿಗೀಡಾಗಿದ್ದು ಗುರುತು ಸಿಕ್ಕಿಲ್ಲ. ಸ್ಥಳೀಯರ ಪ್ರಕಾರ ರಾಜೇಶ (30) ಪಾಂಗಳ ಎಂದು ತಿಳಿದುಬಂದಿದೆ.

ಮುಂಜಾನೆ 4.30 ಗಂಟೆ ಸುಮಾರಿಗೆ ಸಂಚರಿಸುವ ರೈಲು ಡಿಕ್ಕಿ ಹೊಡೆದಿರಬಹುದು ಅಥವಾ ಆಯ ತಪ್ಪಿ ಬಿದ್ದಿರಬಹುದೋ  ಎಂದು ಅಂದಾಜಿಸಲಾಗಿದೆ.