ಮೋದಿಗಾಗಿ ವಿಶೇಷ ನಮೋ ಥಾಲಿ

ಹೌಸ್ಟನ್: ವಿಶ್ವಸಂಸ್ಥೆ ಸಾಮಾನ್ಯ ಸಭೆಯ 74ನೇ ಅಧಿವೇಶನದಲ್ಲಿ ಪಾಲ್ಗೊಳ್ಳುವ ಸಲುವಾಗಿ ಅಮೆರಿಕಾಕ್ಕೆ ಭೇಟಿ ನೀಡಿರುವ ಪ್ರಧಾನಿ ನರೇಂದ್ರ ಮೋದಿ ತಂಗಿರುವ ಹೋಟೆಲ್ ವೊಂದರ ಬಾಣಸಿಗ  ಮೋದಿಗಾಗಿ ವಿಶೇಷ ಆಹಾರವನ್ನು ತಯಾರಿಸಿದ್ದಾರೆ.

ಪ್ರಧಾನಿ ಮೋದಿ ವಿಶೇಷ ಮನವಿ ಮಾಡದಿದ್ದರೂ ಬಾಣಸಿಗ ಕಿರಣ್ ವರ್ಮಾ,ವಿಶೇಷ ನಮೋ ಥಾಲಿಯನ್ನು ತಯಾರಿಸಿದ್ದಾರೆ. ನಮೋ ಥಾಲಿ ಮಿಠಾಯಿ ಹಾಗೂ ನಮೋ ಥಾಲಿ ಸೆವ್ರಿ ಎಂಬ ಎರಡು ವಿಧದ ಥಾಲಿಯನ್ನು ಸಿದ್ದಪಡಿಸಿದ್ದಾರೆ.ಎಲ್ಲಾ ಬಗೆಯ ಆಹಾರವನ್ನು ದೇಶಿ ತುಪ್ಪದಿಂದ ತಯಾರಿಸಲಾಗಿದೆ. ಮೋದಿಗಾಗಿ ವಿಶೇಷ ಚಟ್ನಿಯನ್ನು ಕೂಡಾ ತಯಾರಿಸಲಾಗಿದೆ. 

ನಮೋ ಥಾಲಿಯಲ್ಲಿ ಶ್ರೀಖಂಡ್, ರಸಮಲೈ, ಗಜರ್ ಕಾ ಹಲ್ವಾ,ಬಾದಾಮ್ ಹಲ್ವಾನೂ ಇರುತ್ತದೆ. ನಮೋ ಥಾಲಿ ಸೆವ್ರಿಯಲ್ಲಿ ಕಿಚಡಿ, ಕಚೋರಿ ಹಾಗೂ ಮೇಥಿ ಥೆಪ್ಲಾ ಇರುತ್ತದೆ. 

ಪ್ರಧಾನಿ ಮೋದಿಗಾಗಿ ವಿವಿಧ ರಾಜ್ಯಗಳ ಹಾಗೂ ನಗರಗಳ ಆಹಾರವನ್ನು ನೀಡಲಾಗುತ್ತಿದೆ. ಇದೇ ಮೊದಲ ಬಾರಿಗೆ ಮೋದಿಗೆ ಈ ರೀತಿಯ ಆಹಾರವನ್ನು ತಯಾರಿಸುತ್ತಿರುವುದಾಗಿ ಬಾಣಸಿಗರಾದ ಕಿರಣ್ ವರ್ಮಾ ತಿಳಿಸಿದ್ದಾರೆ.

ಅಮೆರಿಕಾದೊಂದಿಗೆ ದ್ವಿಪಕ್ಷೀಯ ಸಂಬಂಧ ಬಲವರ್ದನೆ ಹಾಗೂ ವಿಶ್ವಸಂಸ್ಥೆಯ ಸಾಮಾನ್ಯಸಭೆಯ 74ನೇ ಅಧಿವೇಶನದಲ್ಲಿ ಭಾಷಣ ಮಾಡುವ ಸಲುವಾಗಿ ಪ್ರಧಾನಿ ನರೇಂದ್ರ ಮೋದಿ ಏಳು ದಿನಗಳ ಅಮೆರಿಕಾ ಪ್ರವಾಸ ಕೈಗೊಂಡಿದ್ದಾರೆ.