ಬೈಕ್‌ಗೆ ಶಾಲಾ ಬಸ್ ಡಿಕ್ಕಿ – ವಿದ್ಯಾರ್ಥಿಗೆ ಗಾಯ
ಉಡುಪಿ: ಬನ್ನಂಜೆ ಗುರುನಾರಾಯಣ ಸರ್ಕಲ್ ಬಳಿ ಬೈಕ್ ಮತ್ತು ಶಾಲಾ ಬಸ್ ಅಪಘಾತವಾಗಿ ಬೈಕ್ ಸವಾರ ಗಾಯಗೊಂಡ ಘಟನೆ ಇಂದು ಬೆಳಿಗ್ಗೆ ನಡೆದಿದೆ.
ಎಮ್.ಜಿ ಎಮ್. ಕಾಲೇಜಿನ ದ್ವೀತಿಯ ಬಿ.ಎ. ವಿದ್ಯಾರ್ಥಿ ಪಂದುಬೆಟ್ಟಿನ ಸುಮಂತ್ ಆಚಾರ್ಯ(19) ಕಾಲೇಜ್‌ಗೆಂದು ಕರಾವಳಿ ಬೈಪಾಸ್‌ನಿಂದಾಗಿ ಬನ್ನಂಜೆ ಸರ್ಕಲ್ ಬಳಿ ಬರುವಾಗ ಹಿಂಬದಿಯಿಂದ ಬಂದ ಸೈಂಟ್ ಮೇರಿಸ್ ಆಂಗ್ಲ ಮಾಧ್ಯಮ ಶಾಲೆ ಬಸ್ ಸುಮಂತ್ ಬೈಕ್‌ಗೆ ಹಿಂದಿನಿಂದ ಡಿಕ್ಕಿ ಹೊಡೆದಿದೆ.
ಶಾಲಾ ಬಸ್ ಗುರುನಾರಾಯಣ ಸರ್ಕಲ್‌ನಿಂದ ಎಸ್.ಪಿ ಕಚೇರಿಗೆ ಹೋಗುವ ರಸ್ತೆಗೆ ತಿರುಗುವ ಸಂಧರ್ಭ ಎದುರಿದ್ದ ಬೈಕ್ ಗೆ ಡಿಕ್ಕಿ ಹೊಡಿದಿದೆ ಎನ್ನಲಾಗಿದೆ. ಈ ಸಂಧರ್ಭ ಸುಮಂತ್‌ನ ಬೈಕ್ ಡಿವೈಡರ್‍ಗೆ ಹೊಡೆದಿದೆ. ಗಾಯಗೊಂಡ ಸುಮಂತ್‌ನನ್ನು ಸ್ಥಳೀಯರು ಮಣಿಪಾಲ ಕೆ.ಎಮ್.ಸಿ. ಆಸ್ಪತ್ರೆಗೆ ದಾಖಲಿಸಿದ್ದಾರೆ.
