ಕುಂದಾಪುರ: ಕೋಳಿ ಅಂಕ- ನಾಲ್ವರು ವಶ

ಕುಂದಾಪುರ ಮಾ.5(ಉಡುಪಿ ಟೈಮ್ಸ್ ವರದಿ): ಬಸ್ರೂರು ಗ್ರಾಮದ ಬಳಿ ಸಾರ್ವಜನಿಕ ಸ್ಥಳದಲ್ಲಿ ನಡೆಯುತ್ತಿದ್ದ ಕೋಳಿ ಅಂಕಕ್ಕೆ ದಾಳಿ ಮಾಡಿದ ಪೊಲೀಸರು ನಾಲ್ಕು ಮಂದಿಯನ್ನು ವಶಕ್ಕೆ ಪಡೆದುಕೊಂಡಿದ್ದಾರೆ.

ಈ ಬಗ್ಗೆ ಖಚಿತ ಮಾಹಿತಿ ಪಡೆದ ಕುಂದಾಪುರ ಠಾಣಾ ಪೊಲೀಸರು  ಸ್ಥಳಕ್ಕೆ ದಾಳಿ ಮಾಡಿ  ಕೋಳಿ ಅಂಕ ಆಟದಲ್ಲಿ ನಿರತರಾಗಿದ್ದ ತಿಮ್ಮ, ಗಣೇಶ, ಕೃಷ್ಣ ಹಾಗೂ ರಾಜು ಎಂಬ ನಾಲ್ಕು ಮಂದಿಯನ್ನು ವಶಕ್ಕೆ ಪಡೆದು ಅವರ ಬಳಿ ಇದ್ದ 2,600 ರೂ. ನಗದನ್ನು ವಶಪಡಿಸಿಕೊಂಡಿದ್ದಾರೆ. ಈ ಬಗ್ಗೆ ಕುಂದಾಪುರ ಗ್ರಾಮಾಂತರ ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.