ರಷ್ಯಾ ಆಕ್ರಮಣಕ್ಕೆ ನಾವು ಹೆದರಲ್ಲ, ಶರಣಾಗುವುದಿಲ್ಲ- ಉಕ್ರೇನ್ ಅಧ್ಯಕ್ಷ ಘೋಷಣೆ
ಕೈವ್: ರಷ್ಯಾದ ಆಕ್ರಮಣವು ಎಂಟನೇ ದಿನಕ್ಕೆ ಕಾಲಿಟ್ಟಿದ್ದು, 2,000ಕ್ಕೂ ಹೆಚ್ಚು ಉಕ್ರೇನಿಯನ್ ನಾಗರಿಕರು ಸಾವನ್ನಪ್ಪಿರಬಹುದು ಎಂಬ ವರದಿಗಳ ನಡುವೆ ಉಕ್ರೇನ್ ಅಧ್ಯಕ್ಷ ವೊಲೊಡಿಮಿರ್ ಝೆಲೆನ್ಸ್ಕಿ ಅವರು ಉಕ್ರೇನಿಯನ್ನರು ಹೆದರುವುದಿಲ್ಲ, ಉಕ್ರೇನ್ನಿಯರನ್ನು ನಾಶಪಡಿಸಲು ಸಾಧ್ಯವಿಲ್ಲ ಮತ್ತು ಶರಣಾಗುವುದಿಲ್ಲ ಎಂದು ಗುರುವಾರ ಘೋಷಿಸಿದ್ದಾರೆ.
“ಅವರು ನಮ್ಮನ್ನು ಅನೇಕ ಬಾರಿ ನಾಶಮಾಡಲು ಬಯಸಿದ್ದರು. ಆದರೆ ಅವರಿಗೆ ಸಾಧ್ಯವಾಗಲಿಲ್ಲ. ನಾವು ತುಂಬಾ ಅನುಭವಿಸಿದ್ದೇವೆ ಮತ್ತು ಯುದ್ಧ ಜಯಿಸಿದ ನಂತರ, ಉಕ್ರೇನಿಯನ್ನರು ಭಯಭೀತರಾಗುತ್ತಾರೆ, ನಾಶವಾಗುತ್ತಾರೆ ಅಥವಾ ಶರಣಾಗುತ್ತಾರೆ ಎಂದು ಯಾರಾದರೂ ಭಾವಿಸಿದರೆ, ಅವರಿಗೆ ಉಕ್ರೇನ್ ಬಗ್ಗೆ ಏನೂ ತಿಳಿದಿಲ್ಲ. ಉಕ್ರೇನ್ ಅನ್ನು ಏನೂ ಮಾಡಲು ಸಾಧ್ಯವಿಲ್ಲ. ಮನೆಗೆ ಹೋಗಿ. ರಷ್ಯನ್ ಮಾತನಾಡುವ ಜನರನ್ನು ರಕ್ಷಿಸಿ” ಎಂದು ಝೆಲೆನ್ಸ್ಕಿ ಹೇಳಿದ್ದಾರೆ.
ಉಕ್ರೇನ್ ವಿದೇಶಾಂಗ ಸಚಿವ ಡಿಮಿಟ್ರೋ ಕುಲೆಬಾ ಅವರು ಬುಧವಾರದಿಂದ ಎನರ್ಗೋಡರ್ ನಲ್ಲಿ ನಡೆಯುತ್ತಿರುವ ಸಾಮೂಹಿಕ ಪ್ರತಿರೋಧದಲ್ಲಿ ‘ಇದು ಉಕ್ರೇನ್‌ಗಾಗಿ ನಿಜವಾದ ಪೀಪಲ್ಸ್ ವಾರ್’ ಎಂದು ಹೇಳಿದರು.
ಡ್ನೀಪರ್ ನದಿಯ ದಡದಲ್ಲಿ 53,000 ಕ್ಕಿಂತ ಕಡಿಮೆ ಜನಸಂಖ್ಯೆಯನ್ನು ಹೊಂದಿರುವ ಎನರ್ ಗೋಡರ್ ನಲ್ಲಿ, ಬುಧವಾರ ರಷ್ಯಾದ ಮಿಲಿಟರಿ ಮುನ್ನಡೆಯನ್ನು ತಡೆಯುವ ಹತಾಶ ಪ್ರಯತ್ನದಲ್ಲಿ ನೂರಾರು ಜನರು ಬೀದಿಗಿಳಿದು ಪ್ರಮುಖ ಬೀದಿಗಳನ್ನು ನಿರ್ಬಂಧಿಸಿದರು. ಎನರ್ಹೋಡರ್ ಯುರೋಪ್ನ ಅತಿದೊಡ್ಡ ವಿದ್ಯುತ್ ಸ್ಥಾವರವಾದ ಜಪೋರಿಝಿಯಾ ಪರಮಾಣು ವಿದ್ಯುತ್ ಸ್ಥಾವರಕ್ಕೆ ನೆಲೆಯಾಗಿದೆ.
