ಕಾರ್ಕಳ: ಮನೆಗೆ ತಡವಾಗಿ ಬಂದ ಮಹಿಳೆಗೆ ಹಲ್ಲೆ
ಕಾರ್ಕಳ ಅ.28(ಉಡುಪಿ ಟೈಮ್ಸ್‌ ವರದಿ): ಕ್ಷುಲ್ಲಕ ಕಾರಣಕ್ಕೆ ವ್ಯಕ್ತಿಯೊಬ್ಬರು ಮಹಿಳೆ ಮೇಲೆ ಹಲ್ಲೆ ನಡೆಸಿದ ಘಟನೆ ಕಾರ್ಕಳದಲ್ಲಿ ನಡೆದಿದೆ.
ಈ ಬಗ್ಗೆ ಜ್ಯೋತಿ ಎಂಬವರು ಪೊಲೀಸರಿಗೆ ದೂರು ನೀಡಿದ್ದು, ಅದರಂತೆ ಅ.27 ರಂದು ರಾತ್ರಿ ಜ್ಯೋತಿ ಅವರು ತಮ್ಮ ತಾಯಿ ನಲ್ಲಮ್ಮರೊಂದಿಗೆ ತಮ್ಮ ಮನೆಯ ಪಕ್ಕದಲ್ಲಿರುವ ಗಂಡನ ಅಣ್ಣನ ಹೆಂಡತಿ ದುರ್ಗಾ ಎಂಬವರ ಮನೆಯಲ್ಲಿ ಟಿವಿ ನೋಡುತ್ತಿದ್ದರು. ಈ ವೇಳೆ ಹುಸೇನ್ ಎಂಬಾತನು ತನ್ನ ಮನೆಯಲ್ಲಿ ನಿಂತುಕೊಂಡು ದುರ್ಗಾ ರನ್ನು ಉದ್ದೇಶಿಸಿ ಫ್ಯಾಕ್ಟರಿಗೆ ಹೋಗಿ ತಡವಾಗಿ ಬರುತ್ತೀಯ ಎಂದು ಕೇಳಿದ್ದು, ಆಗ ದುರ್ಗಾರವರು ಮನೆಯಿಂದ ಹೊರಗೆ ಬಂದು ನಿನಗೆ ನನ್ನ ವಿಚಾರ ಯಾಕೆ ಎಂದು ಕೇಳಿದ್ದಾರೆ. ಈ ವೇಳೆ ಅಪಾದಿತನು ಕತ್ತಿಯಿಂದ ದುರ್ಗಾರವರಿಗೆ ಹಲ್ಲೆ ಮಾಡಲು ಬಂದಿದ್ದು, ಆಗ ತಡೆಯಲು ಬಂದ ಜ್ಯೋತಿ ಅವರ ಕೈಗೂ ಗಾಯವಾಗಿದೆ. ಹಾಗೂ ದುರ್ಗಾ ಅವರ ತಲೆಗೂ ಗಾಯವಾಗಿದೆ ಎಂದು ಪೊಲೀಸರಿಗೆ ನೀಡಿದ ದೂರಿನಲ್ಲಿ ತಿಳಿಸಲಾಗಿದೆ. ಹಾಗೂ ಅವಾಚ್ಯ ಶಬ್ದಗಳಿಂದ ಬೈದು ಜೀವ ಬೆದರಿಕೆ ಹಾಕಿರುವುದಾಗಿ ನೀಡಿದ ದೂರಿನಂತೆ ಕಾರ್ಕಳ ನಗರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
