ಕಾಪು: ಬೈಕ್ ತಡೆದು ವ್ಯಕ್ತಿಗೆ ಕತ್ತಿಯಿಂದ ದಾಳಿ
ಕಾಪು ಅ.27(ಉಡುಪಿ ಟೈಮ್ಸ್ ವರದಿ): ಪರಿಚಿತ ಮೂವರು ವ್ಯಕ್ತಿಯೊಬ್ಬರ ಮೇಲೆ ಹಲ್ಲೆ ನಡೆಸಿರುವ ಘಟನೆ ಮಲ್ಲಾರು ಗ್ರಾಮದ ಗುಡ್ಡೆಕೇರಿ ಎಂಬಲ್ಲಿ ನಡೆದಿದೆ.
ಈ ಬಗ್ಗೆ ಹಲ್ಲೆಗೊಳಗಾದ ಕಾಪುವಿನ ಮಜೂರು ಗ್ರಾಮದಇಲಿಯಾಸ್ ಅವರು ಪೊಲೀಸರಿಗೆ ದೂರು ನೀಡಿದ್ದಾರೆ. ಅದರಂತೆ ಇಲಿಯಾಸ್ ಅವರು ಗುಜುರಿ ವ್ಯಾಪಾರ ಕೆಲಸ ಮಾಡಿಕೊಂಡಿದ್ದಾರೆ. ಅ.26 ರಂದು ಸಂಜೆ ತಮ್ಮ ಸ್ನೇಹಿತ ಅಶ್ರಫ್ ಎಂಬವರ ಜೊತೆಗೆ ಬೈಕ್ ನಲ್ಲಿ ಹಿಂಬದಿ ಸವಾರರಾಗಿ ಕುಡ್ತಿಮಾರ್ ಮಲ್ಲಾರಿನಲ್ಲಿರುವ ತಮ್ಮ ಅಣ್ಣ ಹುಸೇನ್ ಎಂಬವರ ಮನೆಗೆ ಹೋಗಿ ವಾಪಾಸ್ಸು ಬರುತ್ತಿದ್ದಾಗ ಮಲ್ಲಾರು ಗ್ರಾಮದ ಗುಡ್ಡೆಕೇರಿ ಎಂಬಲ್ಲಿ ದೂರುದಾರರ ಪರಿಚಯದ ಉಮ್ಮರ್, ನಾಜೀಂ ಮತ್ತು ಸತ್ತರ್ ಎಂಬುವವರು ದೂರುದಾರರ ಬೈಕ್ ತಡೆದು ನಿಲ್ಲಿಸಿ ಉಮ್ಮರ್ ಎಂಬಾತ ಹಲ್ಲೆ ಮಾಡಿದ್ದು, ಕತ್ತಿಯಿಂದ ತಲೆಗೆ ಹೊಡೆದಿದ್ದಾನೆ. ಅಲ್ಲದೆ ಬೆದರಿಕೆ ಹಾಕಿದ್ದಾರೆ ಎಂದು ಪೊಲೀಸರಿಗೆ ನೀಡಿದ ದೂರಿನಲ್ಲಿ ತಿಳಿಸಲಾಗಿದೆ. ಈ ಬಗ್ಗೆ ಕಾಪು ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
