ಉಡುಪಿ: ನಿಟ್ಟೂರಿನ ವ್ಯಕ್ತಿ ನಾಪತ್ತೆ

ಉಡುಪಿ ಜೂ.18(ಉಡುಪಿ ಟೈಮ್ಸ್ ವರದಿ): ವ್ಯಕ್ತಿಯೊಬ್ಬರು ನಾಪತ್ತೆಯಾಗಿರುವ ಘಟನೆ ಉಡುಪಿಯ ಇಂದ್ರಾಳಿಯಲ್ಲಿ ನಡೆದಿದೆ.

ವಾದಿರಾಜ ಗಾಣಿಗ (39ವರ್ಷ) ನಾಪತ್ತೆಯಾಗಿರುವವರು. ಇವರು ಉಡುಪಿ ಪುತ್ತೂರು ಗ್ರಾಮದ ನಿಟ್ಟೂರಿನವರಾಗಿದ್ದು, ಕುಟುಂಬ ದೊಂದಿಗೆ ಬೆಂಗಳೂರಿನಲ್ಲಿ ವಾಸವಿದ್ದರು. ಇತ್ತೀಚೆಗೆ ಲಾಕ್‌ಡೌನ್‌ ನಿಮಿತ್ತ ಊರಿಗೆ ಬಂದಿದ್ದರು. ಜೂ.9 ರಂದು ತಮ್ಮ ಅಕ್ಕನ ಮನೆಯಾದ ಕುಂದಾಪುರದ ಬಸ್ರೂರು ಮೂರುಕೈಗೆ ಹೋಗಿದ್ದರು. ಜೂ.13 ರಂದು ಸರಕು ಸಾಗಾಟದ ಲಾರಿಯಲ್ಲಿ ಉಡುಪಿಗೆ ಬಂದು, ಇಂದ್ರಾಳಿ ರೈಲ್ವೆ ನಿಲ್ದಾಣದ ರಸ್ತೆಯ ಬಳಿ ಇಳಿದುಕೊಂಡವರು ಇದುವರೆಗೂ ಮನೆಗೆ ಬಾರದೇ ಕಾಣೆಯಾಗಿದ್ದಾರೆ. ಈ ಬಗ್ಗೆ ಉಡುಪಿ ನಗರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.