ನಿವೃತ್ತ ರಸಾಯನಶಾಸ್ತ್ರ ಪ್ರಾಧ್ಯಾಪಕ ಪ್ರೊ. ಜಯಂತ್‌ ಹೃದಯಾಘತದಿಂದ ನಿಧನ
ಮಂಗಳೂರು, ಮೇ.14: ನಗರದ ಖಾಸಗಿ ಕಾಲೇಜಿನ ನಿವೃತ್ತ ರಸಾಯನಶಾಸ್ತ್ರ ಪ್ರಾಧ್ಯಾಪಕ ಪ್ರೊ. ಜಯಂತ್‌ ಅವರು ಹೃದಯಾಘತದಿಂದ ನಿನ್ನೆ ನಿಧನರಾಗಿದ್ದಾರೆ.
ಸರಳ, ಸಜ್ಜನಿಕೆಯ ವ್ಯಕ್ತಿಯಾಗಿದ್ದ ಇವರು, ಸುಮಾರು ಮೂವತ್ತಕ್ಕೂ ಹೆಚ್ಚು ವರ್ಷಗಳ ಕಾಲ ಪ್ರಾಧ್ಯಾಪಕರಾಗಿ ಸೇವೆ ಸಲ್ಲಿಸಿದ್ದರು. ತಮ್ಮ ವಿದ್ಯಾರ್ಥಿಗಳಿಗೆ ಗ್ರಹಣ, ಧೂಮಕೇತುಗಳ ಪರಿಚಯಿಸುತ್ತಿದ್ದರು. ಜಯಂತ್‌ ಅವರು ನಗರದ ಹವ್ಯಾಸಿ ಖಗೋಲವೀಕ್ಷಕರ ಸಂಘದ ಮೂಲಕ ಅನೇಕ ಚಟುವಟಿಕೆ ಮಾಡುತ್ತಾ ಕ್ರಿಯಾಶೀಲರಾಗಿದ್ದರು. ಅಲ್ಲದೆ ಇವರು ಸಂಗೀತ ಸೇರಿದಂತೆ ನಾಟಕ, ಚಾರಣ ಮುಂತಾದ ಹಲವಾರು ಕ್ಷೇತ್ರಗಳಲ್ಲಿ ಆಸಕ್ತಿ ಹೊಂದಿದ್ದರು.
ಸಂಡೇ ಸೈನ್ಸ್‌ ಸ್ಕೂಲ್‌‌ನಂತಹ ಚಟುವಟಿಕೆಗಳ ಮೂಲಕ ಮಕ್ಕಳಿಗೆ ಹಲವಾರು ವರ್ಷ ವಿಜ್ಞಾನ ಕಲಿಕೆ ಎನ್ನುವ ಪ್ರಯೋಗ ನಡೆಸಿದ್ದರು.
