ನಿಮ್ಮನ್ನು ಅಧಿಕಾರದಿಂದ ಕಿತ್ತೊಗೆಯುವ ದಿನ ದೇಶ ಖಂಡಿತಾ ಲಸಿಕೆ ಪಡೆದಂತಾಗುತ್ತದೆ: ನಟ ಸಿದ್ದಾರ್ಥ್

ಹೊಸದಿಲ್ಲಿ: ದೇಶದಾದ್ಯಂತ ಕೊರೋನ ಸೋಂಕಿತರ ಪರಿಸ್ಥಿತಿಯು ದಿನದಿಂದ ದಿನಕ್ಕೆ ಬಿಗಡಾಯಿಸುತ್ತಿದೆ. ದೈನಂದಿನ 3.5ಲಕ್ಷಕಕೂ ಹೆಚ್ಚು ಪ್ರಕರಣಗಳು ವರದಿಯಾಗುತ್ತಿವೆ. ಹಲವಾರು ಆಸ್ಪತ್ರೆಗಳಲ್ಲಿ ಆಕ್ಸಿಜನ್ ಕೊರತೆ ಉಂಟಾಗಿದ್ದು, ಸಾಮೂಹಿಕವಾಗಿ ರೋಗಿಗಳು ಮೃತಪಡುತ್ತಿದ್ದಾರೆ. ಈ ಹಿನ್ನೆಲೆಯಲ್ಲಿ ಕೇಂದ್ರ ಸರಕಾರದ ವಿರುದ್ಧ ನಟ ಸಿದ್ದಾರ್ಥ್ ಕಿಡಿಕಾರಿದ್ದಾರೆ.

ತಮ್ಮ ಅಧಿಕೃತ ಟ್ವಿಟರ್ ಖಾತೆಯಲ್ಲಿ ಟೀಟ್ ಮಾಡಿರುವ ಅವರು, “ನಿಮ್ಮನ್ನು ಅಧಿಕಾರದಿಂದ ಕಿತ್ತೊಗೆಯುವ ದಿನ ಈ ಸಂಪೂರ್ಣ ದೇಶ ಖಂಡಿತಾ ಲಸಿಕೆ ಪಡೆದಂತಾಗುತ್ತದೆ. ಇದು ಹತ್ತಿರವಾಗುತ್ತಿದೆ. ಈ ಟ್ವಿಟ್ ಅನ್ನು
ನೆನಪಿಸಲಿಕ್ಕೋಸ್ಕರವಾದರೂ ನಾವು ಇಲ್ಲೇ ಇರುತ್ತೇವೆ” ಎಂದು ಸಿದ್ದಾರ್ಥ್ ಟ್ವಿಟ್ ಮಾಡಿದ್ದಾರೆ. ತಮ್ಮ ಟ್ವಿಟ್ ನಲ್ಲಿ ಪಶ್ಚಿಮ ಬಂಗಾಳ ಬಿಜೆಪಿಯ ‘ನಾವು ಅಧಿಕಾರಕೆ ಬಂದರೆ ಪಶ್ಚಿಮ ಬಂಗಾಳದ ಜನತೆಗೆ ಉಚಿತ ಕೋವಿಡ್ ಲಸಿಕೆ ನೀಡುತ್ತೇವೆ’ ಎಂಬ ಆಶ್ವಾಸನೆಯನ್ನೂ ಸಿದ್ದಾರ್ಥ್ ಉಲ್ಲೇಖಿಸಿದ್ದಾರೆ.