ಕಲ್ಯಾಣಪುರ: ಮಿಲಾಗ್ರಿಸ್ ಬಿಲ್ಡರ್ಸ್ & ಡೆವಲಪರ್ಸ್ ಪೈ.ಲಿ. ಉದ್ಘಾಟನೆ
ಉಡುಪಿ, ಜು.15: ಕಲ್ಯಾಣಪುರದ ಮಿಲಾಗ್ರಿಸ್ ವಾಣಿಜ್ಯ ಸಂಕೀರ್ಣದಲ್ಲಿ ಮಿಲಾಗ್ರಿಸ್ ಬಿಲ್ಡರ್ಸ್ & ಡೆವಲಪರ್ಸ್ ಪೈ.ಲಿ.ಇದರ ಉದ್ಘಾಟನೆಯನ್ನು ಮಾಲಕ ವಿಲ್ಸನ್ ಫೆರ್ನಾಂಡಿಸ್ ಅವರ ಮಾತೃಶ್ರೀ ಸೆಲಿನ್ ಫೆರ್ನಾಂಡಿಸ್ ಅವರು ರವಿವಾರ ಉದ್ಘಾಟಿಸಿದರು.
ಕಲ್ಯಾಣಪುರ ಮಿಲಾಗ್ರಿಸ್ ಕೆಥೆಡ್ರಲ್ ನ ರೆಫಾ| ಫರ್ಡಿನೆಂಡ್ ಗೋನ್ಸಾಲ್ವಿಸ್ ಮಾತನಾಡಿ, ಲಕ್ಷಾಂತರ ಜನರಿಗೆ ಫೆರ್ನಾಂಡಿಸ್ ಗ್ರೂಪ್ ಬದುಕು ಕಟ್ಟಿಕೊಡಲು ಸಹಕಾರಿಯಾಗಿದೆ. ಇಂಥವರಿಂದಾಗಿ ಭಾರತೀಯರು ಕೂಡ ವಿದೇಶದಲ್ಲಿ ವಿವಿಧ ಹುದ್ದೆಗಳನ್ನು ಪಡೆದು ಜೀವನ ಕಟ್ಟಿಕೊಂಡಿದ್ದಾರೆ. ಈ ಸಂಸ್ಥೆಯ ಮೂಲಕ ಗ್ರಾಮೀಣ ಭಾಗದಲ್ಲಿ ಮತ್ತಷ್ಟು ಹೆಚ್ಚು ಕಟ್ಟಡ ನಿರ್ಮಾಣವಾಗಲಿ ಎಂದು ಶುಭ ಹಾರೈಸಿದರು.
ನಿವೃತ್ತ ಡಿವೈಎಸ್‌ಪಿ ವೈಲೆಂಟೈನ್ ಡಿ’ಸೋಜಾ ಅವರು ವಸತಿ ಸಮುಚ್ಚಯದ ಕರಪತ್ರಗಳನ್ನು ಅನಾವರಣ ಗೊಳಿಸಿ, ಈ ಗ್ರೂಪ್‌ನ ಜನಪರ ಕಾಳಜಿಯಿಂದಾಗಿ ಇಂದು ಬಹಳಷ್ಟು ಮಂದಿ ವಿದೇಶದಲ್ಲಿ ಉದ್ಯೋಗ ಪಡೆದಿದ್ದಾರೆ. ಮುಂದೆಯೂ ಉತ್ತಮ ಕಾರ್ಯ ನಡೆಯಲಿ ಎಂದು ಹಾರೈಸಿದರು.
ಸಂತೆಕಟ್ಟೆಮೌಂಟ್ ರೋಸರಿ ಚರ್ಚ್ ನ ಧರ್ಮಗುರು ರೆ| ಫಾ| ರಾಕಿ ಡಿ’ಸೋಜಾ, ಕೆಮ್ಮಣ್ಣು ಸೈಂಟ್ ಥೆರೆಸಾ ಚರ್ಚ್ ನ ಧರ್ಮಗುರು ರೆ। ಫಾ। ಫಿಲಿಪ್ ನೇರಿ ಅರಹ್ನಾ, ಕಲ್ಯಾಣಪುರ ‘ಮಿಲಾಗ್ರಿಸ್ ಕೆಥೆಡ್ರಲ್‌ನ ಸಹಾಯಕ ಧರ್ಮಗುರು ಪ್ರದೀಪ್ ಕರ್ಡೊಜಾ,
ಮಾಜಿ ಸಚಿವ ಪ್ರಮೋದ್‌ ಮಧ್ವರಾಜ್‌, ಕಲ್ಯಾಣಪುರ ಗ್ರಾ.ಪಂ.ಅಧ್ಯಕ್ಷ ನಾಗರಾಜ್, ಬಿಜೆಪಿ ಮುಖಂಡ ಕೆ.ಪಿ.ಜಗದೀಶ್ ಅಧಿಕಾರಿ, ಲಯನ್ಸ್ 317ಸಿ ಗವರ್ನರ್ ಹನೀಫ್, ವಿಲ್ಸನ್ ಫೆರ್ನಾಂಡಿಸ್ ಅವರ ಪತ್ನಿ ಲೀನಾ ಫೆರ್ನಾಂಡಿಸ್ ಉಪಸ್ಥಿತರಿದ್ದರು. ಮಾಲಕ ವಿಲ್ಸನ್ ಫರ್ನಾಂಡಿಸ್ ಸ್ವಾಗತಿಸಿದರು. ಐಡಾ ಫೆರ್ನಾಂಡಿಸ್ ವಂದಿಸಿದರು. ಸ್ಟೀವನ್ ಕೊಲಾಸೋ ನಿರೂಪಿಸಿದರು.
