ಮರ್ಕಂಟೈಲ್ ಕಂಪನಿಯಿಂದ ವೆಂಟಿಲೇಟರ್ ಕೊಡುಗೆ

ಉಡುಪಿ (ಉಡುಪಿ ಟೈಮ್ಸ್ ವರದಿ): ಕೊರೋನಾ ಸೋಂಕಿತರ ಚಿಕಿತ್ಸೆಗೆ ವೆಂಟಿಲೇಟರ್ ಉಡುಪಿಯಲ್ಲಿ ಕೊರತೆಯಿದ್ದು,ಈ ಸಂಬಂಧ ಶಾಸಕ ರಘುಪತಿ ಭಟ್ ಮನವಿಯಂತೆ ಮೈಸೂರು ಮರ್ಕಂಟೈಲ್ ಕಂಪನಿ ಮಾಲಕರಾದ ಎಚ್.ಎಸ್. ಶೆಟ್ಟಿಯವರು ರೂ. 12 ಲಕ್ಷ  ವೆಚ್ಚದ 2 ವೆಂಟಿಲೆಟರ್ ಕೊಡುಗೆಯಾಗಿ ನೀಡಿದ್ದು ಅದನ್ನು ಗೃಹ ಸಚಿವರಾದ ಬಸವರಾಜ್ ಬೊಮ್ಮಾಯಿ ಹಾಗೂ ಶಾಸಕ ಕೆ. ರಘುಪತಿ ಭಟ್ ಅವರ ಸಮ್ಮುಖದಲ್ಲಿ ಜಿಲ್ಲಾಧಿಕಾರಿಯವರ ಮುಖಾಂತರ ಜಿಲ್ಲಾಡಳಿತಕ್ಕೆ ಹಸ್ತಾಂತರಿಸಲಾಯಿತು.

ಎರಡು ವೆಂಟಿಲೇಟರ್ ಕೊಡುಗೆಯಾಗಿ ನೀಡಿದ  ಮೈಸೂರು ಮರ್ಕಂಟೈಲ್ ಕಂಪನಿ ಮಾಲಕರ ಜನಪರ ಕಾಳಜಿಗೆ ಶಾಸಕ ರಘುಪತಿ ಭಟ್ ಅಭಿನಂದನೆ ಸಲ್ಲಿಸಿದರು.

ಈ ಸಂದರ್ಭದಲ್ಲಿ ಕಾರ್ಕಳ ಶಾಸಕರಾದ ಸುನೀಲ್ ಕುಮಾರ್,ಕರಾವಳಿ ಅಭಿವೃದ್ಧಿ ಪ್ರಾಧಿಕಾರದ ಅಧ್ಯಕ್ಷರಾದ ಮಟ್ಟಾರು ರತ್ನಾಕರ ಹೆಗ್ಡೆ,ಉಡುಪಿ ನಗರಾಭಿವೃದ್ಧಿ ಪ್ರಾಧಿಕಾರದ ಅಧ್ಯಕ್ಷರಾದ ರಾಘವೇಂದ್ರ ಕಿಣಿ, ಪೋಲಿಸ್ ವರಿಷ್ಠಾಧಿಕಾರಿಗಳಾದ ಎನ್. ವಿಷ್ಣುವರ್ಧನ್ ಉಪಸ್ಥಿತರಿದ್ದರು.