ರೋಟರಿ ಉದ್ಯಾವರ ನೂತನ ಪದಾಧಿಕಾರಿಗಳ ಪದ ಪ್ರದಾನ

ಉಡುಪಿ -(ಉಡುಪಿ ಟೈಮ್ಸ್ ವರದಿ )- ಉದ್ಯಾವರ ರೋಟರಿ ಕ್ಲಬ್ 2020-21ನೇ ಸಾಲಿನ ನೂತನ ಪದಾಧಿಕಾರಿಗಳ ಪದ ಪ್ರದಾನ ಸಮಾರಂಭ ಜುಲೈ 09 ರಂದು ಜರಗಿತು. ರೋಟರಿ ಜಿಲ್ಲೆ 3182 ಇದರ ಜಿಲ್ಲಾ ಕಾರ್ಯದರ್ಶಿ ರೊ! ಅಲೆನ್ ವಿನಯ್ ಲೂವಿಸ್ ಅವರು ನೂತನ ಅಧ್ಯಕ್ಷ ರೋ। ದೀಕ್ಷಿತ್ ಎಸ್. ಶೆಟ್ಟಿ ಹಾಗೂ ಕಾರ್ಯದರ್ಶಿ ರೋ| ಅಬ್ದುಲ್ ಫೀರೋಜ್ ಹಾಗೂ ಇತರ ಪದಾಧಿಕಾರಿಗಳಿಗೆ ಪದಪ್ರಧಾನ ನೆರವೇರಿಸಿದರು.

ನೂತನ ಅಧ್ಯಕ್ಷರಿಗೆ ರೋಟರಿ ಅಂತರಾಷ್ಟ್ರೀಯ ಸಂಸ್ಥೆ, ಇದರಲ್ಲಿ ಅಧ್ಯಕ್ಷರಾಗಿ ಸಿಕ್ಕಿದ ಅವಕಾಶವನ್ನು ಸದುಪಯೋಗಪಡಿಸಿಕೊಳ್ಳಲು ತಿಳಿಸಿದರು. ತಾಳ್ಮೆ, ಸಹನೆ, ಸ್ಪಂದನೆ, ಸದಸ್ಯರ ಒಗ್ಗೂಡಿಸಿಕೊಂಡು ಕಾರ್ಯೋನ್ಮುಖ ಇವುಗಳನ್ನು ಅಳವಡಿಸಿಕೊಂಡರೆ ಎಲ್ಲರೂ ಸುಲಭವಾಗಲಿದೆ. ಸಾಮಾಜಿಕ ಕಳಕಳಿ ಪ್ರತಿ ರೋಟರಿಯನ್ ಜವಾಬ್ದಾರಿ, ಸವಲತ್ತು ವಂಚಿತ ವಿದ್ಯಾರ್ಥಿಗಳು, ವಿದ್ಯೆ, ಆರೋಗ್ಯದ ಬಗ್ಗೆ ತಮ್ಮಿಂದಾದ ಸಹಾಯ, ಮಾರ್ಗದರ್ಶನ ನೀಡುವ ಮೂಲಕ ಸಮಾಜ ಸೇವೆಗೆ ತೊಡಗಿಸಿಕೊಳ್ಳೋಣ ಎಂದು ತಿಳಿಸಿದರು.

ರೋಟರಿ ವಲಯ 4ರ ಅಸಿಸ್ಟೆಂಟ್ ಗವರ್ನರ್ ರೊ| ಆನಂದ್ ಉದ್ಯಾವರ್ ರೋಟರಿ ಚಟುವಟಿಕೆಗಳ ಬಗ್ಗೆ ಮಾಹಿತಿ ನೀಡಿದರು. ವಲಯ ಸೇನಾನಿ ರೊ| ಗುರುಪ್ರಸಾದ್ ಕಾಮತ್ ರೋಟರಿ ಕಾರ್ಯಕ್ರಮ ನಡೆಸುವ ಬಗ್ಗೆ ಮಾಹಿತಿ ನೀಡಿ ನೂತನ ತಂಡಕ್ಕೆ ಶುಭ ಹಾರೈಸಿದರು.

ನಿರ್ಗಮನ ಅಧ್ಯಕ್ಷ ರೊ| ಸುಂದರ ಎ, ಬಂಗೇರ ಸ್ವಾಗತಿಸಿದರು. ಕಾರ್ಯದರ್ಶಿ ವಸಂತ್ ಕೋಟ್ಯಾನ್ ವರದಿ ನೀಡಿ ಕಾರ್ಯದರ್ಶಿ ಫಿರೋಜ್ ವಂದಿಸಿದರು. ಸತೀಶ್ ನಿರೂಪಿಸಿದರು.