ಉಡುಪಿ: ಇಂದು 41 ಕೊರೋನಾ ಪಾಸಿಟಿವ್, 573 ನೆಗೆಟಿವ್

ಉಡುಪಿ – (ಉಡುಪಿ ಟೈಮ್ಸ್ ವರದಿ )- ಉಡುಪಿಯಲ್ಲಿ ಇಂದು ಒಟ್ಟು 41 ಕೊರೋನಾ ಪ್ರಕರಣಗಳು ವರದಿಯಾಗಿದೆ. ಇದರೊಂದಿಗೆ ಉಡುಪಿಯಲ್ಲಿ ಸೋಂಕಿತರ ಸಂಖ್ಯೆ 1608 ಕ್ಕೆ ಏರಿಕೆಯಾಗಿದೆ. ಜಿಲ್ಲೆಯಲ್ಲಿ ಇಂದು 614 ಜನರ ಗಂಟಲ ದ್ರವ ಪರೀಕ್ಷೆಗೆ ಒಳಪಡಿಸಲಾಗಿದ್ದು ಇದರಲ್ಲಿ 573 ಜನರ ವರದಿ ನೆಗೆಟಿವ್ ಬಂದಿದ್ದು, 41 ಜನರಿಗೆ ಸೋಂಕು ದೃಢವಾಗಿದೆ.

ಉಡುಪಿಯಲ್ಲಿ 26, ಕುಂದಾಪುರದಲ್ಲಿ 11 ಹಾಗು ಕಾರ್ಕಳದಲ್ಲಿ 4 ಪ್ರಕರಣಗಳು ದಾಖಲಾಗಿದೆ ಇದರಲ್ಲಿ ಸೌದಿ ಯಿಂದ ಮರಳಿದ ಒಬ್ಬರಿಗೆ , ಮುಂಬಯಿಯಿಂದ ಬಂದ ಇಬ್ಬರಿಗೆ ,ಅಂತರ್ ಜಿಲ್ಲೆಯಿಂದ ಬಂದ 6 ಜನರಿಗೆ ಕೋವಿಡ್ ಪಾಸಿಟಿವ್ ಕಾಣಿಸಿಕೊಂಡಿದೆ ಹಾಗು ಸೋಂಕಿತರ ಪ್ರಾಥಮಿಕ ಸಂಪರ್ಕದಲ್ಲಿದ್ದ 32 ಜನರಿಗೆ ಸೋಂಕು ದೃಢ ಗೊಂಡಿದೆ. ಇಂದು 28 ಜನರು ಗುಣಮುಖರಾಗಿ ಡಿಸ್ಚಾರ್ಜ್ ಗೊಂಡಿದ್ದಾರೆ.

ಕುಂದಾಪುರ ತಾಲೂಕಿನ ಕೆದೂರು ಪ್ರಾಥಮಿಕ ಅರೋಗ್ಯ ಕೇಂದ್ರದ ಸಿಬ್ಬಂದಿಗೆ ಹಾಗು ಬೇಳೂರಿನ ಮೊಗೆಬೆಟ್ಟು ಎಂಬಲ್ಲಿನ ಮೀನು ವ್ಯಾಪಾರಿ ಮಹಿಳೆಗೆ ಸೋಂಕು ದೃಢವಾಗಿದೆ. ಸಿಬ್ಬಂದಿಯ ಮನೆ ಹಾಗು ಮೊಗೆಬೆಟ್ಟಿನ ಮೀನಿನ ಅಂಗಡಿಯನ್ನ ಸೀಲ್ ಡೌನ್ ಮಾಡಲಾಗಿದೆ.