ಕಡಿಯಾಳಿ ಶಿವಪ್ರಸಾದ್ ಹೋಟೆಲ್ ಮಾಲಕ ರಾಘು ಭಟ್ ಆತ್ಮಹತ್ಯೆ
ಉಡುಪಿ(ಉಡುಪಿ ಟೈಮ್ಸ್ ವರದಿ): ಇಲ್ಲಿಯ ಸಮೀಪದ ಕಡಿಯಾಳಿ ಶಿವಪ್ರಸಾದ್ ಹೋಟೆಲ್ ಮಾಲೀಕರಾದ ರಾಘು ಭಟ್ ಯಾನೆ ರಾಘವೇಂದ್ರ ಭಟ್
(48) ತಮ್ಮ ಸಹೋದರನ ಮನೆ ಹಿರಿಯಡ್ಕ ಅಂಜಾರಿನಲ್ಲಿ ಇಂದು ಸಂಜೆ ಆತ್ಮಹತ್ಯೆಗೆ ಶರಣಾಗಿದ್ದಾರೆ.
ಸಾಮಾಜಿಕ ಕಾರ್ಯಕರ್ತ, ಕಡಿಯಾಳಿ ಶಿವಸಾಗರ್ ಕ್ಯಾಂಟೀನ್ ಮಾಲಕರಾಗಿದ್ದ ಹಾಗೂ ಓಂ ಫ್ರೆಂಡ್ಸ್ ಎಂಬ ಯುವಕರ ತಂಡದ ಮೂಲಕ ಶ್ರೀ ಕೃಷ್ಣಾಷ್ಟಮಿ ಸಂದರ್ಭದಲ್ಲಿ ಅದ್ದೂರಿ ಹುಲಿವೇಷ ಸ್ಪರ್ಧೆ ನಡೆಸಿ ಚಿರಪರಿಚಿತರಾಗಿದ್ದ ಯುವ ಉದ್ಯಮಿ.
ಹಲವು ವರ್ಷಗಳ ಹಿಂದೆ ಕಾಂಗ್ರೆಸ್ ನಿಂದ ನಗರಸಭಾ ಚುನಾವಣೆಯಲ್ಲಿ ಸ್ಪರ್ಧಿಸಿ ಬಿಜೆಪಿಯ ವಿರುದ್ಧ ಕೆಲವೇ ಕೆಲವು ಮತಗಳ ಅಂತರದಿಂದ ಸೋತಿದ್ದರು. ಕೆಲ ಸಮಯದ ನಂತರ ಬಿಜೆಪಿಯನ್ನು ಸೇರ್ಪಡೆಗೊಂಡಿದ್ದರು. ಆತ್ಮಹತ್ಯೆಗೆ ನಿಖರ ಕಾರಣ ತಿಳಿದು ಬಂದಿಲ್ಲ. ಹಿರಿಯಡ್ಕ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
