ರೋಟರಿ 3182 ವಲಯ 4ರ ಅಸಿಸ್ಟೆಂಟ್ ಗವರ್ನರ್ ಆಗಿ ಆನಂದ್ ಉದ್ಯಾವರ ಆಯ್ಕೆ

ಉಡುಪಿ: ರೋಟರಿ ಕ್ಲಬ್ ವಲಯ 4ರ ಅಸಿಸ್ಟೆಂಟ್ ಗವರ್ನರ್ ಆಗಿ ರೋಟೆರಿಯನ್ ಆನಂದ್ ಉದ್ಯಾವರ ಆಯ್ಕೆಯಾಗಿದ್ದಾರೆ. ಆನಂದ್ ಅವರನ್ನು 20-21ನೇ ಸಾಲಿನ ಗವರ್ನರ್ ರಾಜಾರಾಮ್ ಭಟ್ ನೇಮಿಸಿದ್ದಾರೆ.

ಆನಂದ್ ಉದ್ಯಾವರರು 2008 ರಲ್ಲಿ ಉದ್ಯಾವರ ರೋಟರಿಗೆ ಸೇರ್ಪಡೆಗೊಂಡಿದ್ದರು. 2012-13 ರಲ್ಲಿ ರೋಟರಿ ಕ್ಲಬ್ ಉದ್ಯಾವರದ  ದಶಮಾನೋತ್ಸವ ವರ್ಷದ ಅಧ್ಯಕ್ಷರಾಗಿ ಸೇವೆಯನ್ನು ಸಲ್ಲಿಸಿದ್ದಾರೆ.  

ಜೈಂಟ್ಸ್ ಗ್ರೂಪ್ ಉಡುಪಿ ಇದರ ಕಾರ್ಯದರ್ಶಿಯಾಗಿ, ಉಡುಪಿ ಜಿಲ್ಲಾ ಮುದ್ರಣ ಮಾಲಕರ ಸಂಘದ ಕೋಶಾಧಿಕಾರಿಯಾಗಿ, ಉದ್ಯಾವರ ಬಿಲ್ಲವ ಸಂಘದಲ್ಲಿ ವಿವಿಧ ಜವಾಬ್ದಾರಿಗಳನ್ನು ಸಕ್ರಿಯವಾಗಿ ನಿಭಾಯಿಸಿದ್ದಾರೆ. ಕೃಷಿ ಕುಟುಂಬದಿಂದ ಬಂದಂತಹ ಆನಂದ್ ರವರು ಯಕ್ಷಗಾನ, ಭಜನೆ ಮುಂತಾದ ಕಲೆಗಳಿಗೆ ಮಹಾಪೋಷಕರೂ ಆಗಿದ್ದಾರೆ.