ಶಿರ್ವ- ಗ್ರಾಮೀಣ ಯುವ ಕಾಂಗ್ರೆಸ್ ಕಾರ್ಯಕರ್ತರ ಸಭೆ
ಶಿರ್ವ- ಗ್ರಾಮೀಣ ಯುವ ಕಾಂಗ್ರೆಸ್ ಕಾರ್ಯಕರ್ತರ ಸಭೆಯು ಜೂನ್ 29 ರಂದು ಶಿರ್ವ ಕಾಪೋರೇಶನ್ ಬ್ಯಾಂಕ್ ,ಸಭಾಂಗಣದಲ್ಲಿ ನಡೆಯಿತು . ಕಾಪು ಬ್ಲಾಕ್ ಕಾಂಗ್ರೆಸ್ ಗೆ ಕೆಪಿಸಿಸಿ ವತಿಯಿಂದ ನೇಮಕಗೊಂಡ ಅನಿಲ್‌ಕುಮಾರ್‌ರವರು ಯುವಕರನ್ನು ಉದ್ದೇಶಿಸಿ ಮಾತನಾಡಿ, “ಕಾಂಗ್ರೆಸ್ ಪಕ್ಷ ಯುವಕರ ಪರವಾಗಿದೆ. ಡಿ.ಕೆ. ಶಿವಕುಮಾರ್‌ರವರು ಯುವ ಕಾಂಗ್ರೆಸ್ ಅಧ್ಯಕ್ಷರಾಗಿ ನಾಯಕರಾಗಿ ಬೆಳೆದರು ಅವರ ನಾಯಕತ್ವದಲ್ಲಿ ಯುವ ಕಾಂಗ್ರೆಸ್ ನ್ನು ಬಲಿಷ್ಠವಾಗಿ ಕಟ್ಟುವ ಕೆಲಸ ಮಾಡಬೇಕು. ಜೂಲೈ 2 ರಂದು ನಡೆಯುವ ಪ್ರತಿಜ್ಞಾ ಕಾರ್ಯಕ್ರಮವನ್ನು ಯಶಸ್ವಿಗೊಳಿಸಲು ಯುವಕರು ಶ್ರಮವಹಿಸಲು ಕರೆಕೊಟ್ಟರು.”
ಕಾಪು ಬ್ಲಾಕ್ ಕಾಂಗ್ರೆಸ್ (ದಕ್ಷಿಣ)ದ ನೂತನ ಉಸ್ತುವಾರಿಯಾಗಿ ನೇಮಕಗೊಂಡಿರುವ ಅಖಿಲೇಶ್ ಅಭಿನಂದಿಸಲಾಯಿತು. ನಂತರ ಸಭೆಯನ್ನ ಉದ್ದೇಶಿಸಿ ಮಾತನಾಡಿದ ಅವರು ಯುವ ಕಾಂಗ್ರೆಸ್ ಸಂಘಟನೆಗೆ ಎಲ್ಲರ ಸಹಕಾರ ಕೋರಿದರು ಮತ್ತು ಯುವಕರ ಯಾವುದೇ ಸಮಸ್ಯೆಗಳಿಗೆ ಸ್ಪಂದಿಸಲು ಬದ್ಧರಿದ್ದೇವೆ ಎಂದು ತಿಳಿಸಿದರು,
ಉಡುಪಿ ಜಿಲ್ಲಾ ಪಂಚಾಯತ್ ಸದಸ್ಯರಾದ ಶ್ರೀ ವಿಲ್ಸನ್ ರೋಡ್ರಿಗಸ್, ಉಡುಪಿ ಜಿಲ್ಲಾ ಮಹಿಳಾ ಕಾಂಗ್ರೆಸ್ ಅಧ್ಯಕ್ಷೆ ಶ್ರೀಮತಿ ಗೀತಾ ವಾಗ್ಲೆ, ಕಾಪು ಬ್ಲಾಕ್ ಯುವ ಕಾಂಗ್ರೆಸ್ ಅಧ್ಯಕ್ಷರಾದ ಮೆಲ್ವಿನ್ ಡಿ ‘ಸೋಜಾ, ಯುವ ನಾಯಕರಾದ ನವೀನ ಎಸ್ ಶೆಟ್ಟಿ
ಯವರು ಯುವ ಕಾಂಗ್ರೆಸ್ ಸಂಘಟನೆ ಬಗ್ಗೆ ಮಾತನಾಡಿದರು.
ಕಾರ್ಯಕ್ರಮದ ಅಧ್ಯಕ್ಷತೆಯನ್ನು ಕುಟ್ಟಿ ಪೂಜಾರಿ ವಹಿಸಿದ್ದರು, ಗ್ರಾಮ ಪಂಚಾಯತ್ ಸದಸ್ಯರಾದ ಹಸನಬ್ಬ ಶೇಕ್, ರತನ್ ಶೆಟ್ಟಿ, ಕಿಸಾನ್ ಘಟಕದ ರಾಘವೇಂದ್ರ ನಾಯಕ, ರಮೇಶ್ ಬಂಗೇರ, ರಾಜೇಶ್ ಪೂಜಾರಿ, ಅಬ್ದುಲ್ ಲತೀಫ್, ರಿಚಾರ್ಡ್ ಪುರ್ಟಾಡೋ, ಸುನಿಲ್ ಪೂಜಾರಿ, ಅಶ್ವಿನ್, ಕೀರ್ತನ, ಸುಧಾಕರ್‌ ನಾಯ್ಕ, ಪ್ರಕಾಶ್ ಆಚಾರ್ಯ ಹಾಗೂ ಯುವ ಕಾಂಗ್ರೆಸ್ ಕಾರ್ಯಕರ್ತರು ಹಾಜರಿದ್ದರು.
