ಲಾಕ್ ಡೌನ್: ಮನೆಯಲ್ಲಿಯೇ ಈದ್ ಪ್ರಾರ್ಥನೆ ನೆರೆವೇರಿಸಿದ ಮುಸ್ಲಿಂ ಬಾಂಧವರು
ಉಡುಪಿ (ಉಡುಪಿ ಟೈಮ್ಸ್ ವರದಿ ) ಕೊರೊನಾ ಲಾಕ್ ಡೌನ್ ಹಿನ್ನೆಲೆಯಲ್ಲಿ ಮಸೀದಿಗಳಲ್ಲಿ ಸಾಮೂಹಿಕ ಪ್ರಾರ್ಥನೆಗೆ ನಿರ್ಬಂಧ ಇರುವ ಹಿನ್ನೆಲೆಯಲ್ಲಿ ಮುಸ್ಲಿಂ ಬಾಂಧವರು ತಮ್ಮ ಮನೆಗಳಲ್ಲಿಯೇ ಈದ್ ಪ್ರಾರ್ಥನೆ ನೆರವೇರಿಸಿದರು. ಕಳೆದ ಒಂದು ತಿಂಗಳ ಉಪವಾಸ ವೃತದ ನಂತರ ಇಂದು ಕರಾವಳಿಯಾದ್ಯಂತ ಈದುಲ್ ಫಿತ್ರ್ ಹಬ್ಬವನ್ನ ಆಚರಿಸುತ್ತಿದ್ದಾರೆ.
ಆದರೆ ಸರಳ ರೀತಿಯ ಈದ್ ಗೆ ಮೊರೆ ಹೋಗಿರುವ ಕರಾವಳಿಯ ಮುಸ್ಲಿಮರು ಈ ಬಾರಿ ಸಡಗರದ ಹಬ್ಬದಿಂದ ದೂರವುಳಿದಿದ್ದು ಹಬ್ಬದ ಶಾಪಿಂಗ್ ನಿಂದವೂ ಅಂತರ ಕಾಯ್ದುಕೊಂಡಿದ್ದರು. ಇಂದು ತಮ್ಮ ತಮ್ಮ ಮನೆಗಳಲ್ಲಿಯೇ ಸಾಮಾಜಿಕ ಅಂತರ ಕಾಯ್ದುಕೊಂಡು ಪ್ರಾರ್ಥನೆ ಸಲ್ಲಿಸಿದ ಮುಸ್ಲಿಂ ಬಾಂಧವರು ಕೊರೋನಾ ವಿರುದ್ಧ ಪ್ರಾರ್ಥನೆ ಸಲ್ಲಿಸಿದರು.
