ಪಡುಬಿದ್ರೆ: ಡಾಬಾ ಮಾಲೀಕ ಆತ್ಮಹತ್ಯೆ

ಪಡುಬಿದ್ರೆ(ಉಡುಪಿ ಟೈಮ್ಸ್ ವರದಿ) – ಇಲ್ಲಿನ ಹೆಜಮಾಡಿ ಡಾಬಾವೊಂದರ ಕಟ್ಟಡ ಮಾಲೀಕ ಕಳೆದ ರಾತ್ರಿ ಆತ್ಮಹತ್ಯೆ ಮಾಡಿಕೊಂಡ ಘಟನೆ ನಡೆದಿದೆ.

ಮೂಲತಃ ಮಂಗಳೂರಿನವರಾದ ದಿನೇಶ್ ಶೆಟ್ಟಿ (45) ಆತ್ಮಹತ್ಯೆ ಮಾಡಿಕೊಂಡ ದುರ್ದೈವಿ. ಭಾನುವಾರ ತಡರಾತ್ರಿ ಹೆಜಮಾಡಿಯ ಅವರ ಕೊಠಡಿಗೆ ಹೋಗಿದ್ದ ಇವರು ಯಾವುದೋ ವಿಚಾರಕ್ಕೆ ನೊಂದು ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ.

ತನ್ನ ಸ್ನೇಹಿತರಿಗೆ ಸೋಮವಾರ ತನ್ನ ಮನೆಗೆ ಬರಲು ದಿನೇಶ್ ಹೇಳಿದ್ದರು. ಅದರಂತೆ ಅವರು ಇಂದು ಅವರ ಮನೆಗೆ ತೆರಳಿದಾಗ ಪ್ರಕರಣ ಬೆಳಕಿಗೆ ಬಂದಿದೆ. ಮೃತರು ಪತ್ನಿ ಹಾಗು ಇಬ್ಬರು ಮಕ್ಕಳನ್ನು ಅಗಲಿದ್ದಾರೆ