ಹೆಬ್ರಿ : ಜಿಲ್ಲಾ ಮಲೆಕುಡಿಯ ಸಂಘದ ನೂತನ ಕಮಿಟಿ ರಚನೆ

ಉಡುಪಿ(ಉಡುಪಿ ಟೈಮ್ಸ್ ವರದಿ); ಜಿಲ್ಲಾ ಮಲೆಕುಡಿಯ ಸಂಘ ,ಉಡುಪಿ ತಾಲೂಕು ಸಮಿತಿ ಹೆಬ್ರಿ ಇದರ ಮಹಾಸಭೆಯು ಆಗಸ್ಟ್.15ರಂದು ಜಿಲ್ಲಾ ಕೇಂದ್ರ ಕಛೇರಿ ಪೇರಡ್ಕದಲ್ಲಿ ಹೆಬ್ರಿ ತಾಲೂಕು ಸಮಿತಿ ಅಧ್ಯಕ್ಷರಾದ ಉದಯ ಬಲ್ಲಾಡಿ ಇವರ ಅಧ್ಯಕ್ಷತೆಯಲ್ಲಿ, ಜಿಲ್ಲಾಧ್ಯಕ್ಷರಾದ ಮಂಜಪ್ಪ ಗೌಡ ಇವರ ಉಪಸ್ಥಿತಿಯಲ್ಲಿ ಹೊಸ ಕಮಿಟಿಯ ರಚನೆ ಮಾಡಲಾಯಿತು.

ನೂತನ ಅಧ್ಯಕ್ಷರಾಗಿ ಸತೀಶ ಗೌಡ ಪಾರಿಕಲ್ಲು,ಉಪಾಧ್ಯಕ್ಷರಾಗಿ ಶೇಖರ ನಾಡ್ಪಾಲು.
ಪ್ರಧಾನ ಕಾರ್ಯದರ್ಶಿಯಾಗಿ ಹರೀಶ್ ಅಂಡಾರು, ಜೊತೆ ಕಾರ್ಯದರ್ಶಿ ಹೃದಯ ಬಲ್ಲಾಡಿ ಕೋಶಾಧಿಕಾರಿ ಗೀತಾ ಮತ್ತಾವು,ಸಂಘಟನಾ ಕಾರ್ಯದರ್ಶಿಗಳಾಗಿ ಅಶೋಕ ಕಬ್ಬಿನಾಲೆ ಮತ್ತು ಸಂದೀಪ್ ಅಂಡಾರು ಇವರನ್ನು ಆಯ್ಕೆ ಮಾಡಿ ಲೆಕ್ಕ ಪತ್ರದ ಕಡತಗಳನ್ನು ಹಸ್ತಾಂತರ ಮಾಡುವ ಮೂಲಕ ಅಧಿಕಾರ ಹಸ್ತಾಂತರಿಸಿ ಅಭಿನಂದಿಸಲಾಯಿತು.

ಈ ಸಂದರ್ಭದಲ್ಲಿ ರಾಜ್ಯ ಸಂಘದ ಪ್ರಧಾನ ಕಾರ್ಯದರ್ಶಿ ಶ್ರೀಧರ ಗೌಡ ಈದು,ರಾಜ್ಯ ಸಂಘದ ಸಂಘಟನಾ ಕಾರ್ಯದರ್ಶಿ ಗಂಗಾಧರ ಗೌಡ ಈದು,ಜಿಲ್ಲಾ ಸಂಘದ ಪದಾಧಿಕಾರಿಗಳು,ತಾಲೂಕು ಸಮಿತಿಯ ಪದಾಧಿಕಾರಿಗಳು ಹಾಗು ಗ್ರಾಮ ಸಮಿತಿಯ ಪದಾಧಿಕಾರಿಗಳು ಉಪಸ್ಥಿತರಿದ್ದರು.