ಮಣಿಪಾಲ: ಮಹಿಳೆಗೆ ಹಲ್ಲೆಗೈದು ಮನೆ ದರೋಡೆ, ಆರೋಪಿಗಳನ್ನು ಬೆನ್ನಟ್ಟಿ ಹಿಡಿದ ಸ್ಥಳೀಯರು!
ಮಣಿಪಾಲ:(ಉಡುಪಿ ಟೈಮ್ಸ್ ವರದಿ) ಪೊಲೀಸ್ ಠಾಣಾ ವ್ಯಾಪ್ತಿಯ ಅನಂತನಗರ ಹುಡ್ಕೋ ಕಾಲೋನಿಯ ಮನೆಗೆ ನುಗ್ಗಿ ದರೋಡೆಗೈಯಲು ಯತ್ನಿಸಿದ ಇಬ್ಬರು ದರೋಡೆಕೋರರನ್ನು ಸ್ಥಳೀಯರು ಹಿಡಿದು ಪೊಲೀಸರಿಗೆ ಒಪ್ಪಿಸಿದ ಘಟನೆ ಇಂದು ರಾತ್ರಿ ನಡೆದಿದೆ.
ಮಣಿಪಾಲದಲ್ಲಿ ಹಾಲಿನ ಬೂತ್ ನಡೆಸಿಕೊಂಡು ಹೋಗುತ್ತಿರುವ ರಮಾನಂದ ರೈ ಪತ್ನಿ ಸುಮತಿ ರೈ ಅವರು ಇಂದು ರಾತ್ರಿ ಮನೆಯಲ್ಲಿ ಭಜನೆ ಮಾಡುತ್ತಿರುವಾಗ ಮನೆಗೆ ನುಗ್ಗಿದ ದರೋಡೆಕೋರರಿಬ್ಬರು ಅವರನ್ನು ಚೂರಿಯಿOದ ಹೆದರಿಸಿ ಮನೆಯಲ್ಲಿರುವ ಬೆಲೆಬಾಳುವ ವಸ್ತುಗಳನ್ನು ಲೂಟಿ ಮಾಡಿದ್ದರು.
ಹಲ್ಲೆಯ ಏಟಿನಿಂದ ಸುಮತಿ ಅವರು ಕುಸಿದು ಬಿದ್ದಿದ್ದರು. ಬಳಿಕ ಅವರನ್ನು ಪೆಟ್ಟಿಗೆಯಲ್ಲಿ ತುಂಬಿಸುತ್ತಿದ್ದಾಗ ಪತಿ ಮನೆಗೆ ಬಂದಾಗ ಮನೆ ದೋಚುತ್ತಿದ್ದ ಅವರನ್ನು ಹಿಡಿಯಲು ಪ್ರಯತ್ನಿಸಿದರು ಎನ್ನಲಾಗಿದೆ.
ರಮಾನಂದ ರೈ ಬೊಬ್ಬೆ ಹೊಡೆದಾಗ ಸ್ಥಳೀಯರು ಸ್ಥಳಕ್ಕೆ ಬಂದಾಗ ದರೋಡೆಕೋರರು ಓಡುತಿದ್ದಂತೆ ಹಿ0ಬಾಲಿಸಿ ಹಿಡಿದು ಪೊಲೀಸರಿಗೆ ಒಪ್ಪಿಸಿದ್ದಾರೆಂದು ತಿಳಿದು ಬಂದಿದೆ. ಸುಮತಿ ಅವರಿಗೆ ದರೋಡೆಕೋರರು ಹಲ್ಲೆಗೈದ ಪರಿಣಾಮ ಅವರ ದೇಹದ ಸ್ಥಿತಿ ಚಿOತಾಜನಕವಾಗಿದ್ದು ಮಣಿಪಾಲ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ ಎಂದು ತಿಳಿದು ಬಂದಿದೆ.
ಹೆಚ್ಚಿನ ಮಾಹಿತಿ ಇನ್ನಷ್ಟೇ ತಿಳಿದು ಬರಬೇಕಿದೆ…
