ಆಕಸ್ಮಿಕವಾಗಿ ಕಾಲು ಜಾರಿ ಹೊಳೆಗೆ ಬಿದ್ದು ಮಹಿಳೆ ಮೃತ್ಯು

ಹೆಬ್ರಿ ಆ.23 (ಉಡುಪಿ ಟೈಮ್ಸ್ ವರದಿ) : ಆಕಸ್ಮಿಕವಾಗಿ ಕಾಲು ಜಾರಿ ಹೊಳೆಗೆ ಬಿದ್ದು ಮಹಿಳೆಯೊಬ್ಬರು ಮೃತಪಟ್ಟ ಘಟನೆ ಹೆಬ್ರಿ ಬೇಳಂಜೆ ಗ್ರಾಮದ ಸಂಪಿಗೆ ಮನೆ ಎಂಬಲ್ಲಿ ನಡೆದಿದೆ. ಸ್ಥಳೀಯ ನಿವಾಸಿ ನಾಗರತ್ನ (48) ಮೃತಪಟ್ಟವರು.

ಹೈನುಗಾರಿಕೆ ಕೆಲಸ ಮಾಡಿಕೊಂಡಿದ್ದು ನಾಗರತ್ನ ರವರು ಬೇಳಂಜೆ ಗ್ರಾಮದ ಕಲ್ಮನೆ ಎಂಬಲ್ಲಿ ಹೊಳೆಯ ಸಮೀಪದ ಗದ್ದೆಯ ಬದಿಯಲ್ಲಿ ದನವನ್ನು ಮೇಯಿಸುತ್ತಾ ನಡೆದು ಕೊಂಡು ಹೋಗುತ್ತಿರುವಾಗ ಆಕಸ್ಮಿಕವಾಗಿ ಕಾಲು ಜಾರಿ ಹೊಳೆಗೆ ಬಿದ್ದು ನೀರಿನ ರಭಸಕ್ಕೆ ಕೊಚ್ಚಿಕೊಂಡು ಹೋಗಿದ್ದರು. ಬಳಿಕ ಸಂಜೆ ವೇಳೆ ಬೇಳಂಜೆ ಗ್ರಾಮದ ಸಂಪಿಗೆ ಮನೆ ಎಂಬಲ್ಲಿ ಹೊಳೆಯ ಬದಿಯಲ್ಲಿರುವ ಒಂದು ಮರಕ್ಕೆ ತಾಗಿಕೊಂಡು ಬಿದ್ದವರನ್ನು ಅಲ್ಲಿಂದ ಮೇಲಕ್ಕೆ ತಂದು ನೋಡಿದಾಗ ಅವರು ಮೃತ ಪಟ್ಟಿರುವುದು ತಿಳಿದು ಬಂದಿದೆ. ಈ ಬಗ್ಗೆ ಮೃತರ ತಮ್ಮ ಶರತ್ ಎಂಬವರು ನೀಡಿದ ಮಾಹಿತಿಯಂತೆ ಹೆಬ್ರಿ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.