ಕೋಟೇಶ್ವರ :ಅಕಸ್ಮಾತ್ ಬೆಂಕಿ ಅವಘಡ ಗಾಯಾಳುವಿಗೆ ರಥಬೀದಿ ಗೆಳೆಯರಿಂದ ಧನ ಸಹಾಯ

ಕೋಟೇಶ್ವರ(ಉಡುಪಿ ಟೈಮ್ಸ್ ವರದಿ):ಇಲ್ಲಿನ ಸ್ಥಳೀಯ ಕಲ್ಯಾಣ ಮಂಟಪದಲ್ಲಿ ಬೆಂಕಿ ಅವಘಡಕ್ಕೆ ತುತ್ತಾಗಿ ಸದ್ಯ ಮಣಿಪಾಲ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿರುವ ಅಡುಗೆ ಕಾರ್ಮಿಕರಾದ ಉಮೇಶ ಬಾಯರಿ ಯವರ ಚಿಕಿತ್ಸೆ ಸಲುವಾಗಿ ಕೋಟೇಶ್ವರ ರಥಬೀದಿ ಗೆಳೆಯರು ಎಂಬ ಸಂಸ್ಥೆಯ ವತಿಯಿಂದ ಸಹಾಯಧನವನ್ನು ನೀಡಲಾಯಿತು. ಈ ಸಮಯದಲ್ಲಿ ಉಮೇಶ್ ಬಾಯರಿ ಯವರ ಭಾವನಿಗೆ ಹಸ್ತಾಂತರಿಸಲಾಯಿತು.

ಈ ಸಂದರ್ಭ ಸಂಸ್ಥೆಯ ಪೋಷಕರಾದ ಶಂಕರ ಐತಾಳ್, ಅಧ್ಯಕ್ಷರಾದ ಕೋಟ ಶಿವಾನಂದ ಅಡಿಗ, ಕಾರ್ಯದರ್ಶಿ ಗಣೇಶ ಕಾಮತ್, ಗೌರವಾಧ್ಯಕ್ಷ ರಾದ ರಮೇಶ ಭಟ್, ಸದಸ್ಯರಾದ ಅರುಣ್, ಹಾಗೂ ಅಡುಗೆ ಕಾರ್ಮಿಕರ ಸಂಘದ ಗೌರವಾಧ್ಯಕ್ಷ ರಾದ ಅರವಿಂದ ಐತಾಳ್ ಮುಂತಾದವರು ಉಪಸ್ಥಿತರಿದ್ದರು.