ಕುಂದಾಪುರ :ಅಸಂಘಟಿತ ಅಡುಗೆ ಕಾರ್ಮಿಕರ ಹಾಗೂ ಸಹಾಯಕ ಕಾರ್ಮಿಕರ ಸಂಘದ ಗುರುತಿನ ಚೀಟಿ ವಿತರಣೆ
ಕುಂದಾಪುರ ಜ.4 (ಉಡುಪಿ ಟೈಮ್ಸ್ ವರದಿ) :ಅಸಂಘಟಿತ ಅಡುಗೆ ಕಾರ್ಮಿಕರ ಸಹಾಯಕ ಕಾರ್ಮಿಕರ ಸಂಘದ ಗುರುತಿನ ಚೀಟಿ ವಿತರಿಸುವ ಕಾರ್ಯಕ್ರಮ ಬಿದ್ಕಲ್ ಕಟ್ಟೆಯ ನಾಗಲಕ್ಷ್ಮೀ ಸಭಾಗೃಹದಲ್ಲಿ ಡಿ.30 ರಂದು ನಡೆಯಿತು.
ಕಾರ್ಯಕ್ರಮದ ಸಭಾಧ್ಯಕ್ಷತೆಯನ್ನು ವಹಿಸಿದ್ದ ಸಂಘದ ಅಧ್ಯಕ್ಷ ರಾಘವೇಂದ್ರ ಅಡಿಗ ಅವರು ಮಾತನಾಡಿ, ಸಂಘದ ಧ್ಯೇಯೋದ್ದೇಶ ಹಾಗೂ ಸರಕಾರದಿಂದ ಅಸಂಘಟಿತ ಕಾರ್ಮಿಕರಿಗೆ ಕೊಡಮಾಡಿರುವ ಇ- ಶ್ರಮ್ ಕಾರ್ಡ್ ನ ಬಗ್ಗೆ ಮಾಹಿತಿ ನೀಡಿದರು.
ಈ ವೇಳೆ ಸಂಘದ ಗೌರವಾಧ್ಯಕ್ಷರಾದ ಅರವಿಂದ ಐತಾಳ್ ಅವರು ಪ್ರಾಸ್ತಾವಿಕ ಮಾತುಗಳನ್ನಾಡಿ, ಸಂಘದ ಜೊತೆಗೆ ಸಹಕರಿಸುವಂತೆ ಸದಸ್ಯರನ್ನು ಕೋರಿಕೊಂಡರು. ಕಾರ್ಯಕ್ರಮ ದಲ್ಲಿ ಸಂಘದ ಕಾರ್ಯದರ್ಶಿ ಶಿವಾನಂದ ಅಡಿಗ ಅವರು ಸ್ವಾಗತಿಸಿ, ವಂದಿಸಿದರು. ಈ ಸಂದರ್ಭ ಸಭೆಯಲ್ಲಿ ಸಂಘದ ಉಪಾಧ್ಯಕ್ಷ ರಾದ ಗಣೇಶ್ ಉಪಾದ್ಯ ಬಳ್ಕೂರು , ಅನ್ನಪೂರ್ಣ ಕಾರಂತರು, ಸುರೇಂದ್ರ ನಾವಡ ಉಪಸ್ಥಿತರಿದ್ದರು.
