ಉಡುಪಿ : ಎಸ್ ಕೆ ಪಿ ಎ ಗೌರವಾಧ್ಯಕ್ಷ ಶಿವ ಕೆ. ಅಮೀನ್ ನಿಧನ

ಉಡುಪಿ ಜ.4 (ಉಡುಪಿ ಟೈಮ್ಸ್ ವರದಿ) : ಸೌತ್ ಕೆನರಾ ಫೋಟೋಗ್ರಾಫರ್ ಅಸೋಸಿಯೇಷನ್ ನ ಉಡುಪಿ ವಲಯದ ಗೌರವಾಧ್ಯಕ್ಷರಾಗಿರುವ ಶಿವ ಕೆ. ಅಮೀನ್ ನಿಧನರಾಗಿದ್ದಾರೆ.

73 ವರ್ಷದ ಶಿವ ಕೆ ಅಮೀನ್ ಅವರು ವಯೋ ಸಹಜ ಅನಾರೋಗ್ಯದಿಂದ ನಿಧನರಾಗಿದ್ದಾರೆ. ಇವರು ಪುತ್ರ, ಪುತ್ರಿ, ಕುಟುಂಬಸ್ಥರು ಹಾಗೂ ಅಪಾರ ಭಂದು ಮಿತ್ರರನ್ನು ಅಗಲಿದ್ದಾರೆ. ಕೆಮ್ಮಣ್ಣುವಿನ ಆದರ್ಶ್ ಸ್ಟುಡಿಯೋದ ಶಿವ ಕೆ.ಅಮೀನ್ ರವರು ಫೋಟೋಗ್ರಾಫರ್ ಅಸೋಸಿಯೇಷನ್ ದಕ್ಷಿಣ ಕನ್ನಡ ಮತ್ತು ಉಡುಪಿ ಕೇಂದ್ರ ಸಮಿತಿಯ ಸಲಹಾ ಸಮಿತಿ ಸದಸ್ಯರಾಗಿದ್ದಾರೆ.

ಉತ್ತಮ ಕ್ರೀಡಾಪಟು, ಸಂಘಟನಕಾರ ಹಾಗೂ ಕಪ್ಪು ಬಿಳುಪು ಛಾಯಾಗ್ರಹಣದಿಂದ ಡಿಜಿಟಲ್ ಛಾಯಾಗ್ರಾಹರಾಗಿ ದುಡಿದ ಜಿಲ್ಲೆಯ ಅನುಭವಿ ಹಿರಿಯ ಛಾಯಾಗ್ರಹಕರಾಗಿದ್ದರು. ಕಿದಿಯೂರ್, ಸಂಕೇಶ ಅಮೀನ್ ಕುಟುಂಬಸ್ಥರ ದೈವಸ್ಥಾನದ ಆಡಳಿತ ಕಮಿಟಿಯ ಅಧ್ಯಕ್ಷರಾಗಿಯೂ ಸೇವೆ ಸಲ್ಲಿಸಿದ್ದರು.