ಉಡುಪಿ: ಅಸಹಾಯಕ ಸ್ಥಿತಿಯಲ್ಲಿದ್ದ ವ್ಯಕ್ತಿಯ ರಕ್ಷಣೆ : ವಾರಸುದಾರರ ಪತ್ತೆಗಾಗಿ ಮನವಿ

ಉಡುಪಿ ಆ.14 ( ಉಡುಪಿ ಟೈಮ್ಸ್ ವರದಿ): ನಗರದ ಬಸ್ ನಿಲ್ದಾಣದಲ್ಲಿಅಸಹಾಯಕ ಸ್ಥಿತಿಯಲ್ಲಿದ್ದ ವ್ಯಕ್ತಿಯೋರ್ವರನ್ನು ಉಡುಪಿಯ ಹೊಸಬೆಳಕು ಆಶ್ರಮದವರು ರಕ್ಷಿಸಿದ್ದು ಇದೀಗ ವಾರಸುದಾರರ ಪತ್ತೆಗೆ ಮನವಿ ಮಾಡಿಕೊಳ್ಳಲಾಗಿದೆ.

ಉಡುಪಿಯ ಬಸ್ ನಿಲ್ದಾಣದಲ್ಲಿ ಅಸಹಾಯಕ ಸ್ಥಿತಿಯಲ್ಲಿ ಇದ್ದಾರೆ ಎಂಬ ಬಗ್ಗೆ ಮಾಹಿತಿ ಉಡುಪಿಯ ಸಮಾಜ ಸೇವಕರಿಂದ ಮಾಹಿತಿ ಪಡೆದ ಹೊಸಬೆಳಕು ಅನಾಥಾಶ್ರಮದ ಸಂಸ್ಥಾಪಕರು ಕೂಡಲೇ ವೃದ್ಧರು ಇದ್ದ ಸ್ಥಳಕ್ಕೆ ಬೇಟಿ ನೀಡಿ, ರಕ್ಷಣೆ ಮಾಡಿ, ಆಶ್ರಮದಲ್ಲಿ ದಾಖಲಿಸಿಕೊಂಡಿದ್ದಾರೆ.

ರಕ್ಷಿಸಲ್ಪಟ್ಟ ವೃದ್ಧರು ತಾವು ಬಿದ್ಕಲಕಟ್ಟೆ ಸಮೀಪದ ಕೆನರಾ ಬ್ಯಾಂಕ್ ಬಳಿಯ ನಿವಾಸಿ ಬಾಸ್ಕರ್ ಆಚಾರ್ ಎಂದು ಹೇಳಿದ್ದು, ಕಾಲಿನ ಸ್ವಾಧೀನ ಕಳೆದುಕೊಂಡು ಅಸಹಾಯಕರಾಗಿದ್ದಾರೆ. ಇವರ ಬಗ್ಗೆ ಯಾರಿಗಾದರೂ ಮಾಹಿತಿ ಇದ್ದಲ್ಲಿ ಅವರು ಕೂಡಲೇ ಹೊಸಬೆಳಕು ಆಶ್ರಮವನ್ನು ಅಥವಾ ದೂ. ಸಂ. 9620417570, 6364777100 ನ್ನು ಸಂಪರ್ಕಿಸುವಂತೆ ಹೊಸಬೆಳಕು ಆಶ್ರಮ ಮಾಹಿತಿ ನೀಡಿದೆ.