ಕೋಟೇಶ್ವರ:ಲಸಿಕಾ ಅಭಿಯಾನ
ಕೋಟೇಶ್ವ(ಉಡುಪಿ ಟೈಮ್ಸ್ ವರದಿ): ಶ್ರೀಮದ್ ಭುವನೇಂದ್ರ ತೀರ್ಥ ಸ್ವಾಮಿ ಚಾರಿಟೇಬಲ್ ಟ್ರಸ್ಟ್ ಕುಂದಾಪುರ ಹಾಗೂ ಕುಂದಾಪುರ ಪೇಟೆ ಶ್ರೀ ವೆಂಕಟರಮಣ ದೇವಸ್ಥಾನದ ಜಂಟಿ ಆಶ್ರಯದಲ್ಲಿ ಕುಂದಾಪುರ ಪೇಟೆ ಶ್ರೀ ವೆಂಕಟರಮಣ ದೇವಸ್ಥಾನದ ಶ್ರೀಮದ್ ಸುಕೃತೀಂದ್ರ ಸಭಾ ಗೃಹದಲ್ಲಿ ಶನಿವಾರ ಜೂನ್ 29 ರಂದು ಲಸಿಕಾ ಅಭಿಯಾನ ನಡೆಯಿತು. ಸುಮಾರು 240 ಜನರು ಲಸಿಕೆ ತೆಗೆದುಕೊಂಡರು. ಸಮಾಜದ 40 ಜನರಿಗೆ ಉಚಿತ ಲಸಿಕೆ ನೀಡಲಾಯಿತು.
ಕೆಎಮ್‌ಸಿ ಮಣಿಪಾಲದ ವತಿಯಿಂದ ಈ ಲಸಿಕಾ ಆಭಿಯಾನ ಆಯೋಜಿಸಲಾಗಿತ್ತು. ನೆಟ್ ಜಿಎಸ್‌ಬಿ ಹಾಗೂ ಕುಂದಾಪುರ ಪೇಟೆ ಶ್ರೀ ವೆಂಕಟರಮಣ ದೇವಸ್ಥಾನದ ಸ್ವಯಂ ಸೇವಕರು ಸಹಕರಿಸಿದರು. ಕಾರ್ಯಕ್ರಮಕ್ಕೆ ದೀಪ ಬೆಳಗುವುದರ ಮೂಲಕ ಚಾಲನೆ ನೀಡಲಾಯಿತು.
ಕುಂದಾಪುರ ಪೇಟೆ ಶ್ರೀ ವೆಂಕಟರಮಣ ದೇವಸ್ಥಾನದ ಆಡಳಿತ ಮೊಕ್ತೇಸರರಾದ ಮೋಹನದಾಸ ಶೆಣೈ, ಮೊಕ್ತೇಸರರಾದ ವಿವೇಕ ಶೆಣೈ, ಮಾಜಿ ಆಡಳಿತ ಮೊಕ್ತೇಸರ ರಾಧಾಕೃಷ್ಣ ಶೆಣೈ ಮತ್ತು ಸುಬ್ರಾಯ ಪೈ, ಶ್ರೀಮದ್ ಭುವನೇಂದ್ರ ತೀರ್ಥ ಸ್ವಾಮಿ ಚಾರಿಟೇಬಲ್ ಟ್ರಸ್ಟ್‌ನ ಕಾರ್ಯದರ್ಶಿ ದಿನೇಶ್ ಕಾಮತ್, ಕೋಟೇಶ್ವರ ಶ್ರೀ ಪಟ್ಟಾಭಿ ರಾಮಚಂದ್ರ ದೇವಸ್ಥಾನದ ಆಡಳಿತ ಮೊಕ್ತೇಸರರಾದ ಶ್ರೀಧರ ಕಾಮತ್, ಬಸ್ರೂರು ಸಂಯುಕ್ತ ಜಿಎಸ್‌ಬಿಯ ಅಧ್ಯಕ್ಷರಾದ ಡಿ. ಗೋಪಾಲಕೃಷ್ಣ ಕಾಮತ್, ಜಿಎಸ್‌ಬಿ ಸಭಾ ಉಡುಪಿಯ ಅಜಿತ್ ಪೈ ಉಪಸ್ಥಿತರಿದ್ದರು.
