ಕೋಟ:ಶಾಲಾ ಮುಂದಿನ ಶೈಕ್ಷಣಿಕ ವರ್ಷದ ಕಾರ್ಯಯೋಜನೆಗಳ ಬಗ್ಗೆ ಪೂರ್ವ ಭಾವಿ ಸಭೆ
ಕೋಟ(ಉಡುಪಿ ಟೈಮ್ಸ್ ವರದಿ): ಸರ್ಕಾರಿ ಕಿರಿಯ ಪ್ರಾಥಮಿಕ ಶಾಲೆ ಗೋಳಿಬೆಟ್ಟು,ಐರೋಡಿ ಇಲ್ಲಿನ ದಾಖಲಾತಿ ಆಂದೋಲನ, ಜುಲೈಯಿಂದ ಶಾಲಾ ಪ್ರಾರಂಭೋತ್ಸವ ಸೂಚನೆಯ, ವಿವಿಧ ಶೈಕ್ಷಣಿಕ ಯೋಜನೆಗಳನ್ನು ಹಮ್ಮಿಕೊಳ್ಳುವುದರ ಕುರಿತು ಶಾಲಾಭಿವೃದ್ಧಿ ಸಮಿತಿಯ ಮೂಲಕ ಚರ್ಚಿಸಲಾಯಿತು. ಪ್ರಾರಂಭದಲ್ಲಿ ಎಸ್.ಡಿ.ಎಂ.ಸಿ ಸದಸ್ಯರಾದ ರಮೇಶ್ ಕುಲಾಲರು ನೀಡಿದ ಶಾಲೆಯ ನವ ನಾಮ ಫಲಕ ಅನಾವರಣ ಮಾಡಲಾಯಿತು.
ನಂತರ ಕಳೆದ ಸಾಲಿನ ವಿದ್ಯಾಗಮ ಕಾರ್ಯಕ್ರಮಕ್ಕೆ ಸ್ಥಳಾವಕಾಶವನ್ನು ಒದಗಿಸಿಕೊಟ್ಟ ಜಲಜಾ ಪೂಜಾರಿಯವರಿಗೆ ಗೌರವ ಸನ್ಮಾನ, ಕಳೆದ ವರ್ಷದ ಕಲಿಕೆಯಲ್ಲಿ ಪ್ರಗತಿಯನ್ನು ಸಾಧಿಸಿದ ವಿದ್ಯಾರ್ಥಿಗಳಿಗೆ ಹಾಗೂ ಶಾಲೆಯಲ್ಲಿ ಹಮ್ಮಿಕೊಂಡ ಆನ್‌ಲೈನ್ ಸ್ಪರ್ಧಾ ವಿಜೇತರಿಗೆ ಬಹುಮಾನ ವಿತರಣೆ ಮಾಡಲಾಯಿತು.
ಎಸ್.ಡಿ.ಎಂ.ಸಿ ಅಧ್ಯಕ್ಷ ರಾಜು ಮರಕಾಲ ಕಾರ್ಯಕ್ರಮದ ಅಧ್ಯಕ್ಷತೆಯನ್ನು ವಹಿಸಿದರು, ಎಸ್.ಡಿ.ಎಮ್.ಸಿ ಉಪಾಧ್ಯಕ್ಷ ವಿಜಯ್ ಪೂಜಾರಿ, ಸದಸ್ಯ ರಮೇಶ್ ಕುಲಾಲರು , ಎಸ್.ಡಿ.ಎಂ.ಸಿ ಸದಸ್ಯರಾದ ಪೂರ್ಣಿಮಾ, ಸುಶೀಲಾ, ಸವಿತಾ, ಉಮಾ, ಶುಭಾ, ಕವಿತಾ, ಮುಂತಾದವರು ಉಪಸ್ಥಿತರಿದ್ದರು. ಕಾರ್ಯಕ್ರಮವನ್ನು ಶಿಕ್ಷಕ ಮಹೇಶ್ ಮೊಗವೀರ ನಿರ್ವಹಿಸಿ ನಿರೂಪಿಸಿದರು.
