ಕೋಟ: ಆರಕ್ಷಕರಿಗೆ ರೈನ್ ಕೋಟ್ ವಿತರಣೆ
ಕೋಟ(ಉಡುಪಿ ಟೈಮ್ಸ್ ವರದಿ):ಕೋವಿಡ್ ನಿರ್ವಹಣೆಯಲ್ಲಿ ಪ್ರಮುಖ ಪಾತ್ರ ವಹಿಸಿ ಹಗಲಿರುಳೆನ್ನದೆ ಕಾರ್ಯ ನಿರ್ವಹಿಸುತ್ತಿರುವ ಆರಕ್ಷಕರಿಗೆ ನೆರವಾಗುವ ದೃಷ್ಟಿಯಿಂದ ಜನತಾ ಪೀಶ್ ಮೀಲ್ ಮತ್ತು ಗೀತಾನಂದ ಪೌಂಡೇಶನ್ ಮುಖ್ಯಸ್ಥ ಆನಂದ ಸಿ ಕುಂದರ್, ಕೋಟ ಮತ್ತು ಕಂಡ್ಲೂರು ಠಾಣೆಯ ಆರಕ್ಷಕರಿಗೆ ಉತ್ತಮ ಗುಣಮಟ್ಟದ ರೈನ್ ಕೋಟ್‌ಗಳನ್ನು ನೀಡಿದರು.
ಈ ಸಂದರ್ಭದಲ್ಲಿ ಜನತಾ ಸಂಸ್ಥೆಯ ವ್ಯವಸ್ಥಾಪಕ ಶ್ರೀನಿವಾಸ್ ಮತ್ತು ಸ್ಥಳೀಯರಾದ ಭುಜಂಗ ಗುರಿಕಾರ ಸಾಂಕೇತಿಕವಾಗಿ ರೈನ್ ಕೋಟ್‌ನ್ನು ಕೋಟ ಠಾಣೆಯ ಠಾಣಾಧಿಕಾರಿ ಸಂತೋಷ್ ಬಿ ಪಿ ಮತ್ತು ಕಂಡ್ಲೂರು ಠಾಣೆಯ ಠಾಣಾಧಿಕಾರಿ ಸುಧಾ ಪ್ರಭು ಅವರಿಗೆ ಸಂಸ್ಥೆಯ ಪರವಾಗಿ ಹಸ್ತಾಂತರಿಸಿದರು. ಈ ಸಂದರ್ಭದಲ್ಲಿ ಸಂಸ್ಥೆಯ ಸಿಬ್ಬಂದಿಗಳಾದ ರವಿಕಿರಣ್, ವಿನಯ್ ಕುಮಾರ್ ಉಪಸ್ಥಿತರಿದ್ದರು.
