ಬೈಂದೂರು :ಆಕಸ್ಮಿಕವಾಗಿ ಕಾಲು ಜಾರಿ ಹೊಳೆಗೆ ಬಿದ್ದು ವ್ಯಕ್ತಿ ನಾಪತ್ತೆ

ಬೈಂದೂರು ಜೂ.23(ಉಡುಪಿ ಟೈಮ್ಸ್ ವರದಿ): ಮನೆ ಹತ್ತಿರದ ಹೊಳೆಗೆ ಆಕಸ್ಮಿಕವಾಗಿ ಕಾಲು ಜಾರಿ ಬಿದ್ದು ವ್ಯಕ್ತಿಯೊಬ್ಬರು ನಾಪತ್ತೆಯಾಗಿರುವ ಘಟನೆ ಬೈಂದೂರಿನಲ್ಲಿ ನಡೆದಿದೆ. ಚಂದ್ರ ನಾಯ್ಕ್ (35) ನಾಪತ್ತೆಯಾಗಿರುವ ವರು.

ಇವರು‌ ಜೂ.22 ರಂದು ಬೆಳಿಗ್ಗೆ ಮನೆಯ ಹತ್ತಿರದ ಸುಮನಾವತಿ ಹೊಳೆಯ ದಾರಿಯ ಬಳಿ ನಡೆದುಕೊಂಡು ಹೋಗುವಾಗ ಆಕಸ್ಮಿಕವಾಗಿ ಕಾಲು ಜಾರಿ ಹೊಳೆಗೆ ಬಿದ್ದು, ನೀರಿನಲ್ಲಿ ಮುಳುಗಿ ನಾಪತ್ತೆಯಾಗಿದ್ದಾರೆ. ಹೊಳೆಗೆ ಬಿದ್ದ ಇವರನ್ನು ಹುಡುಕಾಡಿದರೂ ಅವರು ಪತ್ತೆಯಾಗಿರುವುದಿಲ್ಲ. ಈ ಬಗ್ಗೆ ಬೈಂದೂರು ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.