ಕೋಟ: ತೋಡಿಗೆ ಬಿದ್ದು ವ್ಯಕ್ತಿ ಸಾವು
ಕೋಟ ಜೂ.23 ( ಉಡುಪಿ ಟೈಮ್ಸ್ ವರದಿ): ತೋಡಿಗೆ ಬಿದ್ದ ವ್ಯಕ್ತಿಯೊಬ್ಬರು ಮೃತಪಟ್ಟ ಘಟನೆ ಕೋಟದಲ್ಲಿ ನಡೆದಿದೆ. ಮಂಜುನಾಥ (32) ಮೃತಪಟ್ಟವರು.
ಜೂನಿಯರ್ ಹೆಲ್ತ್ ಇನ್ಸ್ ಪೆಕ್ಟರ್ ಆಗಿ ಕಾರ್ಯ ನಿರ್ವಹಿಸುತ್ತಿದ್ದ ಇವರು ಕಳೆದ ಹಲವು ಸಮಯದಿಂದ ಖಿನ್ನತೆಯಿಂದ ಬಳಲುತ್ತಿದ್ದರು. ಅದಕ್ಕಾಗಿ ಚಿಕಿತ್ಸೆಯನ್ನೂ ಪಡೆದುಕೊಂಡಿದ್ದರು.ಜೂ. 22 ರಂದು ವಿಪರೀತ ತಲೆನೋವು ಇದ್ದ ಕಾರಣ ಕಚೇರಿಗೆ ಹೋಗಿ , ಬಳಿಕ ಆಸ್ಪತ್ರೆಗೆ ಹೋಗಿ ಬರುವುದಾಗಿ ತಿಳಿಸಿ ಮನೆಯಿಂದ ಹೋದವರು ಮಧ್ಯಾಹ್ನ ಹೊತ್ತಾದರು ಮನೆಗೆ ಹಿಂದಿರುಗದೆ ಇರುವುದನ್ನು ಗಮನಿಸಿ ಕರೆ ಮಾಡಿದಾಗ ಅದನ್ನು ಸ್ವೀಕರಿಸುತ್ತಿರಲಿಲ್ಲ. ಇವರು ಕಕ್ಕುಂಜೆ ಯಿಂದ ಬಿದ್ಕಲ್‌ ಕಟ್ಟೆ ಕಡೆಗೆ ಹೋಗುವ ದಾರಿಯಲ್ಲಿ ಕಂಬ್ಲಿಕಲ್ಲು ದೇವಸ್ಥಾನದ ಹತ್ತಿರದ ಡಾಮಾರು ರಸ್ತೆಯ ಎಡಬದಿ ತೋಡಿನ ನೀರಿನಲ್ಲಿ ಬಿದ್ದು ಮೃತಪಟ್ಟಿರುವುದಾಗಿ ಕೋಟ ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
