ಯಶೋದಾ ಆಟೋ ಚಾಲಕರ ಮತ್ತು ಮಾಲಕರ ಸಂಘ : ಉಡುಪಿ ಸೋಲಾರ್ ದೀಪದ ಉದ್ಘಾಟನೆ
ಉಡುಪಿ (ಉಡುಪಿ ಟೈಮ್ಸ್ ವರದಿ) : ಯಶೋಧ ಆಟೋ ಚಾಲಕರ ಮತ್ತು ಮಾಲಕರ ಸಂಘದ ವತಿಯಿಂದ ಕೊಡಂಕೂರು ಆಟೋ ನಿಲ್ದಾಣದಲ್ಲಿ ಸೋಲಾರ್ ದೀಪದ ಉದ್ಘಾಟನೆಯನ್ನು ಜಿಲ್ಲಾಧ್ಯಕ್ಷರಾದ ಕೆ ಕೃಷ್ಣಮೂರ್ತಿ ಆಚಾರ್ಯ ಉದ್ಘಾಟಿಸಿದರು.
ಯಶೋಧ ಆಟೋ ಚಾಲಕ ಮತ್ತು ಮಾಲಕರ ಸಂಘದ ಸದಸ್ಯರಿಗೆ ಕಳೆದ ಹಲವಾರು ಸಮಯಗಳಿಂದ ಸಹಾಯಹಸ್ತ ನೀಡುತ್ತಿರುವ ಕಿನ್ನಿಮೂಲ್ಕಿ ಕನ್ನರ್ಪಾಡಿ ಶ್ರೀ ಜಯದುರ್ಗಾ ಪರಮೇಶ್ವರೀ ದೇವಸ್ಥಾನದ ಆಡಳಿತ ವ್ಯವಸ್ಥಾಪನಾ ಸಮಿತಿಯ ಅಧ್ಯಕ್ಷರಾಗಿರುವ ಕೃಷ್ಣಮೂರ್ತಿ ಆಚಾರ್ಯ, ಕೊಡಂಕೂರು ಆಟೊ ನಿಲ್ದಾಣ ಕ್ಕೆ ಸೋಲಾರ್ ದೀಪದ ಕೊಡುಗೆಯನ್ನು ನೀಡಿದ್ದರು.
ಈ ಸಂದರ್ಭದಲ್ಲಿ ಆಟೋ ಯೂನಿಯನ್ ನ ವಿವಿಧ ಪದಾಧಿಕಾರಿಗಳು ಆಟೋ ಚಾಲಕ ಮತ್ತು ಮಾಲಕರು ಉಪಸ್ಥಿತರಿದ್ದು, ಜಿಲ್ಲಾಧ್ಯಕ್ಷರು ಆಟೋ ಚಾಲಕ ಮತ್ತು ಮಾಲಕರ ಮೇಲಿನ ಪ್ರೀತಿಯಿಂದ ನೀಡುತ್ತಿರುವ ಸೇವೆಯ ಬಗ್ಗೆ ಮೆಚ್ಚುಗೆ ವ್ಯಕ್ತಪಡಿಸಿದರು.
ಯಶೋದಾ ಆಟೋ ಚಾಲಕ ಮತ್ತು ಮಾಲಕ ಯೂನಿಯನ್ನ ಜಿಲ್ಲಾಧ್ಯಕ್ಷರಾಗಿರುವ ಕೆ ಕೃಷ್ಣಮೂರ್ತಿ ಆಚಾರ್ಯ ಕಳೆದ ಕೆಲವು ಸಮಯಗಳಿಂದ ಆಟೋ ಚಾಲಕರಿಗೆ ಸಮವಸ್ತ್ರ ವಿತರಣೆ, ಎಸ್ಸೆಸ್ಸೆಲ್ಸಿ ಮತ್ತು ಪಿಯುಸಿ ಯಲ್ಲಿ ಉನ್ನತ ಅಂಕ ಗಳಿಸಿದ ವಿದ್ಯಾರ್ಥಿಗಳಿಗೆ ಗೌರವಧನ ವಿತರಣೆ ಸಹಿತ ಹಲವಾರು ಕೊಡುಗೆಗಳನ್ನು ಯಶೋದಾ ಆಟೋ ಚಾಲಕ ಮತ್ತು ಮಾಲಕರ ನಿಲ್ದಾಣಗಳಿಗೆ ನೀಡುತ್ತಿದ್ದಾರೆ.
