ಕೋಟ : ನಿವೃತ್ತ ಯೋಧನಿಗೆ ಹುಟ್ಟೂರ ಸನ್ಮಾನ

ಕೋಟ( ಉಡುಪಿ ಟೈಮ್ಸ್ ವರದಿ): ಇಲ್ಲಿನ ಕಾರ್ಕಡ ನಿವಾಸಿ ನಾಗೇಶ್ ಪೂಜಾರಿ 20 ವರ್ಷದಿಂದ ದೇಶದ ಗಡಿಯಲ್ಲಿ ಕರ್ತವ್ಯ ನಿರ್ವಹಿಸುತ್ತಿದ್ದು ಇದೀಗ ನಿವೃತ್ತಿ ಕಂಡ ಹೆಮ್ಮೆಯ ಸೈನಿಕನಿಗೆ ಗ್ರಾಮಸ್ಥರ ಗೌರವದ ಸನ್ಮಾನ ಭಾನುವಾರ ಸಾಲಿಗ್ರಾಮದ ಕಾರ್ಕಡದಲ್ಲಿ ನಡೆಯಿತು.

ಸಾಲಿಗ್ರಾಮ ಪಟ್ಟಣಪಂಚಾಯತ್ ಸದಸ್ಯ ರಾಜು ಪೂಜಾರಿ ಕಾರ್ಕಡ,ಸಂಜೀವ ದೇವಾಡಿಗ,ಗಿರೀಜಾ ಪೂಜಾರಿ,ಗಣೇಶ್ ಕಾರ್ಕಡ ಸಮ್ಮುಖದಲ್ಲಿ ಅವರ ಸ್ವಗೃಹದಲ್ಲಿ ಸನ್ಮಾನ ಕಾರ್ಯಕ್ರಮ ನಡೆಯಿತು.

ಈ ಸಂದರ್ಭದಲ್ಲಿ ತಾಲೂಕು ಜನಜಾಗೃತಿ ಸಮಿತಿ ಅಧ್ಯಕ್ಷ ಅಚ್ಯುತ್ ಪೂಜಾರಿ,ಪೇಮ ಪೂಜಾರಿ,ರಾಜು ಪೂಜಾರಿ ಪಡುಕರೆ ಮತ್ತಿತರರು ಉಪಸ್ಥಿತರಿದ್ದರು. ಕಾರ್ಯಕ್ರಮವನ್ನು ಪ್ರಕಾಶ್ ಪೂಜಾರಿ ನಿರ್ವಹಿಸಿದರು.