ಕಲಾನರ್ತನ ಸಂಭ್ರಮ- 2025-ಆಮಂತ್ರಣ ಪತ್ರಿಕೆ ಬಿಡುಗಡೆ

ಉಡುಪಿ ನ.25(ಉಡುಪಿ ಟೈಮ್ಸ್ ವರದಿ):  ಕಲಾನರ್ತನ ಡಾನ್ಸ್ ಕ್ರೀವ್ ಜನ್ನಾಡಿ ಇದರ ಕಲಾನರ್ತನ ಸಂಭ್ರಮ-2025 ಹಾಗೂ ರಾಜ್ಯ ಮಟ್ಟದ ಆಹ್ವಾನಿತ ನೃತ್ಯ ತಂಡಗಳ ನೃತ್ಯ ಸ್ಪರ್ಧೆಯ ಆಮಂತ್ರಣ ಪತ್ರಿಕೆಯ ಬಿಡುಗಡೆ ಕಾರ್ಯಕ್ರಮ  ಶಿರೂರು ನೀರ್ಜೆಡ್ಡು ಶ್ರೀವಿನಾಯಕ ದೇವಸ್ಥಾನದಲ್ಲಿ ನಡೆಯಿತು.

ದೇವಸ್ಥಾನದ ಪ್ರಧಾನ ಅರ್ಚಕರಾದ ಶ್ರೀಪತಿಭಟ್ ರವರು ದೀಪ ಪ್ರಜ್ವಲಿಸಿ ಕಾರ್ಯಕ್ರಮಕ್ಕೆ ಚಾಲನೆ ನೀಡಿದರು.

ಕಾರ್ಯಕ್ರಮದಲ್ಲಿ ನಿವೃತ್ತ ಶಿಕ್ಷಕರಾದ ಚಂದ್ರಶೇಖರ್, ಗುರುರಾಜ್,ಜಯರಾಮ್ ಕುಲಾಲ್ ಜನ್ನಾಡಿ,ಆದಿತ್ಯ ಕೋಟ, ಮೋಹನದಾಸ್, ನರಸಿಂಹ ಮಣಿಯಾನಬೈಲು, ಪುಂಡಲೀಕ್ ಮೊಗವೀರ, ನಾಗರಾಜ್ ತೆಕ್ಕಟ್ಟೆ ಮುಂತಾದ ಗಣ್ಯರು ಆಮಂತ್ರಣ ಪತ್ರಿಕೆ ಬಿಡುಗಡೆಗೊಳಿಸಿ ಕಾರ್ಯಕ್ರಮಕ್ಕೆ ಶುಭಹಾರೈಸಿದರು.

ಈ ಸಂದರ್ಭದಲ್ಲಿ ಕಲಾನರ್ತನ ಅಭಿವೃದ್ಧಿ ಸಮಿತಿ ಅಧ್ಯಕ್ಷರಾದ ರೇಖಾಪ್ರಭಾಕರ್, ಕಲಾನರ್ತನ ಸಂಸ್ಥೆಯ ಸಂಸ್ಥಾಪಕ ಮನೀಶ್ ಕುಲಾಲ್ ಜನ್ನಾಡಿ,   ಮಂಜುನಾಥ್ ಹಿಲಿಯಾಣ  ಕಲಾನರ್ತನ ಸಂಸ್ಥೆಯ ಪೋಷಕರು, ವಿದ್ಯಾರ್ಥಿಗಳು, ಭಜನಾ ಮಂಡಳಿಯ ಭಜಕರು ಕಾರ್ಯಕ್ರಮದಲ್ಲಿ ಉಪಸ್ಥಿತರಿದ್ದರು.