ಉಡುಪಿ: ಸ್ವತ್ತು ಕಳವು – ಆರೋಪಿ ಬಂಧನ
ಉಡುಪಿ ಆ.26(ಉಡುಪಿ ಟೈಮ್ಸ್ ವರದಿ): ಲಕ್ಷಾಂತರ ರೂ. ಮೌಲ್ಯದ ಸೊತ್ತು ಕಳವು ಪ್ರಕರಣಕ್ಕೆ ಸಂಬಂಧಿಸಿ ಓರ್ವ ಆರೋಪಿಯನ್ನು ಪೊಲೀಸರು ಬಂಧಿಸಿದ್ದಾರೆ.
ಬಾಗಲಕೋಟೆ ಮೂಲದ ಯಲ್ಲಪ್ಪ ಮಲ್ಲಪ್ಪಬೋವಿ (37) ಬಂಧಿತ ಆರೋಪಿ. ಬಂಧಿತನಿಂದ ಈಸಿ ಲೈಫ್‌ ಎಂಟರ್‌ಪ್ರೈಸಸ್‌ ಗೆ ಸಂಬಂಧಿಸಿದ ರೂ. 6,00,000 ಮೌಲ್ಯದ 12 ಕಾರ್ಬನ್ ಫ್ಲೋರ್ ಟೆಲಿಸ್ಕೋಪಿಕ್ ಪ್ರನರ್( Carbon Flore Telescopic Pruner )ದೋಟಿಗಳನ್ನು ಪೊಲೀಸರು ವಶಪಡಿಸಿಕೊಂಡಿದ್ದಾರೆ.
ಆ.17 ರಂದು ಉಡುಪಿ ತಾಲ್ಲುಕು ಪುತ್ತೂರು ಗ್ರಾಮದ ಕರಾವಳಿ ಬೈಪಾಸ್ ಬಳಿ ಇರುವ EASY LIFE ಕೃಷಿ ಯಂತ್ರೋಪಕರಣಗಳ ಮಾರಾಟ ಸಂಸ್ಥೆಗೆಂದು ತೀರ್ಥಹಳ್ಳಿಯಿಂದ ತಂದಿದ್ದ ಲಕ್ಷಾಂತರ ರೂ. ಮೌಲ್ಯದ ಸಲಕರಣೆಗಳ ಗೂಡ್ಸ್ ರಿಕ್ಷಾವನ್ನು ರಾತ್ತಿ ಸಂಸ್ಥೆಯ ಮುಂದೆ ನಿಲ್ಲಿಸಿದ್ದರು. ಆದರೆ ಮರುದಿನ ಬೆಳಿಗ್ಗೆ ಸಲಕರಣೆಗಳನ್ನು ಅನ್ಲೋಡ್ ಮಾಡುವಾಗ ಅದರಲ್ಲಿದ್ದ 6 ಲಕ್ಷ ರೂ.ಮೌಲ್ಯದ 12-Carbon Flore Telescopic Pruner ಗಳನ್ನು ಕಳ್ಳರು ಕಳವು ಮಾಡಿಕೊಂಡು ಹೋಗಿದ್ದು ಗಮನಕ್ಕೆ ಬಂದಿದೆ. ಈ ಬಗ್ಗೆ ಉಡುಪಿ ನಗರ ಠಾಣೆಯ ಪ್ರಕರಣ ದಾಖಲಾಗಿದೆ.
ಪ್ರಕರಣ ದಾಖಲಿಸಿಕೊಂಡ ಪೊಲೀಸರು ಆರೋಪಿಯನ್ನು ಬಂಧಿಸಿ ನ್ಯಾಯಾಲಯಕ್ಕೆ ಹಾಜರುಪಡಿಸಿದ್ದು, ಹಿರಿಯಡ್ಕದ ಜಿಲ್ಲಾ ಕಾರಾಗೃಹದಲ್ಲಿ ನ್ಯಾಯಾಂಗ ಬಂಧನ ವಿಧಿಸಲಾಗಿದೆ ಎಂದು ತಿಳಿದು ಬಂದಿದೆ.
