ಉಡುಪಿ: ಬಿ.ಬಿ.ಸಿ.ಮಾನ್ಸೂನ್ ಟ್ರೋಫಿ – ಎಸ್.ಎಫ್. ಸಿ. ತಂಡಕ್ಕೆ
ಉಡುಪಿ ಆ.20 (ಉಡುಪಿ ಟೈಮ್ಸ್ ವರದಿ): ವಾರಂಬಳ್ಳಿಯ ನಾಗಬನ ಮೈದಾನದಲ್ಲಿ ಬಿಬಿಸಿ ಸ್ಫೋರ್ಟ್ಸ್ ಮತ್ತು ಕಲ್ಚರಲ್ ಕ್ಲಬ್ ನವರು ಎರ್ಪಡಿಸಿದ್ದ ಬಿ.ಬಿ.ಸಿ.ಮಾನ್ಸೂನ್ ಟ್ರೋಫಿಯನ್ನು ಎಸ್. ಎಫ್.ಸಿ.ಸಾಲೀಕೇರಿ ತಂಡ ಗೆದ್ದುಕೊಂಡಿದೆ.
ಟೂರ್ನಮೆಂಟ್ ಉಧ್ಗಾಟಿಸಿ ಮಾತನಾಡಿದ ರಾಜೇಶ್ ಶೆಟ್ಟಿ ಬಿರ್ತಿಯವರು ಸುಮಾರು ಐನೂರು ಮನೆಗಳಿರುವ ಈ ಏರಿಯಾದಲ್ಲಿ ಆಟದ ಮೈದಾನ ಇರುವುದು ಇದೊಂದೇ , ಈ ಮೈದಾನವನ್ನೂ ಸಹ ಜಿಲ್ಲಾಡಳಿತ ಹೌಸಿಂಗ್ ಬೋರ್ಡ್ ನವರಿಗೆ ಮನೆ ನಿರ್ಮಿಸಲು ಕೊಡುತ್ತಿದೆ. ಈ ಆಟದ ಮೈದಾನವನ್ನು ಉಳಿಸಿಕೊಳ್ಳುವ ಹೋರಾಟಕ್ಕೆ ನೀವೆಲ್ಲಾ ನಮ್ಮ ಜೊತೆ ಅಣಿಯಾಗಬೇಕು ಎಂದು ಕರೆ ನೀಡಿದರು.
ಜೆಸನ್ ನೇತೃತ್ವದಲ್ಲಿ ಕಾರ್ಯಕ್ರಮ ನಡೆದಿದ್ದು 6 ತಂಡಗಳ ಲೀಗ್ ಮಾದರಿಯಲ್ಲಿ ನಡೆದ ಟೂರ್ಮೆಂಟಿನ ಫೈನಲ್‌ನಲ್ಲಿ ಪ್ರಬಲ ಎಮ್.ಎನ್.ಎಮ್ .ವಾರಂಬಳ್ಳಿ ತಂಡವನ್ನು ಎಸ್. ಎಫ್.ಸಿ.ಸಾಲೀಕೇರಿ ತಂಡ ಸೋಲಿಸಿ ಟ್ರೋಫಿ ತನ್ನದಾಗಿಸಿತು.
ಈ ಸಂದರ್ಭದಲ್ಲಿ ಮುಖ್ಯ ಅತಿಥಿಗಳಾಗಿ . ಶ್ಯಾಮರಾಜ್ ಬಿರ್ತಿ , ವೆಂಕಟೇಶ್ ಭಟ್ , ಎಸ್.ನಾರಾಯಣ ಬಿರ್ತಿ , ಗೋಡ್ವಿನ್ ಮೆನೇಜಸ್ , ಸುಬ್ರಹ್ಮಣ್ಯ ಪ್ರಸಾದ್ , ರೆಕ್ಸನ್ , ಕಿಶನ್ ಕುಮಾರ್, ಲಿಂಗಪ್ ಕುಟ್ಟಿ, ಶಶಿರಾಜ್ ಉಪಸ್ಥಿತರಿದ್ದರು.
