ಕಕ್ಕುಂಜೆಯ ಸ್ವರ್ಣ ಯುವಕ ಮಂಡಲ: ನೂತನ ಅಧ್ಯಕ್ಷರಾಗಿ ಚಂದ್ರಶೇಖರ ಆಂಚನ್ ನೇಮಕ

ಮಣಿಪಾಲ ಆ.2(ಉಡುಪಿ ಟೈಮ್ಸ್ ವರದಿ): ಕಕ್ಕುಂಜೆಯ ಸ್ವರ್ಣ ಯುವಕ ಮಂಡಲದ ನೂತನ ಅಧ್ಯಕ್ಷರಾಗಿ ಚಂದ್ರಶೇಖರ ಆಂಚನ್ ಅವರು ನೇಮಕಗೊಂಡಿದ್ದಾರೆ. 

ಇತ್ತೀಚೆಗೆ ನಡೆದ ಮಂಡಲದ ಮಹಾಸಭೆ ಹಾಗೂ ಪದಗ್ರಹಣ ಕಾರ್ಯಕ್ರಮದಲ್ಲಿ ಗೌರವಾದ್ಯಕ್ಷರಾದ ಮಹೇಶ್ ಶೆಟ್ಟಿ ಹಾಗೂ ಸಂಚಾಲಕರಾದ ವಾಸು ಇವರ ಉಪಸ್ಥಿತಿಯಲ್ಲಿ ನೂತನ ಪದಾಧಿಕಾರಿಗಳ ಆಯ್ಕೆ ನಡೆದಿದೆ, ಈ ವೇಳೆ ಉಪಾಧ್ಯಕ್ಷರಾಗಿ ಕಿರಣ್ ಶೆಟ್ಟಿ, ಕಾರ್ಯದರ್ಶಿಯಾಗಿ ಸಚಿನ್, ಜೊತೆ ಕಾರ್ಯದರ್ಶಿಯಾಗಿ ಕಿರಣ್, ಕೋಶಾಧಿಕಾರಿಯಾಗಿ ಸುಂದರ್, ಕ್ರೀಡಾ ಕಾರ್ಯದರ್ಶಿ  ಹರೀಶ್.ಜೆ, ಸಾಂಸ್ಕೃತಿಕ ಕಾರ್ಯದರ್ಶಿಯಾಗಿ ಸುಧಾಕರ್ ಅವರನ್ನು ನೇಮಕ ಮಾಡಲಾಯಿತು.

ಈ ಸಂದರ್ಭದಲ್ಲಿ ಮಾಜಿ ಅಧ್ಯಕ್ಷರಾದ ಪ್ರಶಾಂತ ಮತ್ತು ಕಾರ್ಯದರ್ಶಿ ಅಜಿತ್ ವರದಿ ಪುಸ್ತಕ ಹಸ್ತಾಂತರ ಮಾಡುವ ಮೂಲಕ ನೂತನ ಪದಾಧಿಕಾರಿಗಳಿಗೆ ಶುಭ ಹಾರೈಸಿ, ಸ್ವಾಗತಿಸಿದರು.