ರೋಟರಿ ಉದ್ಯಾವರ ಇದರ ಪದಪ್ರಧಾನ ಸಮಾರಂಭ
ಉಡುಪಿ ಜು.14(ಉಡುಪಿ ಟೈಮ್ಸ್ ವರದಿ): ರೋಟರಿ ಉದ್ಯಾವರ ಇದರ ಪದಪ್ರಧಾನ ಸಮಾರಂಭ ಉದ್ಯಾವರದ ಸೌಂದರ್ಯ ರೆಸಿಡೆನ್ಸಿಯಲ್ಲಿ ನಡೆಯಿತು.
ಈ ಸಮಾರಂಭದಲ್ಲಿ ನೂತನ ಅಧ್ಯಕ್ಷರಾದ ರೊ. ಜೀವನ್ ಡಿಸೋಜಾ ಅವರು ಮಾತನಾಡಿ, ರೋಟರಿ ಕ್ಲಬ್ ಗೆ ಸೇರುವ ಯಾವುದೇ ಕನಸನ್ನು ಕಂಡಿರಲಿಲ್ಲ. ಅದರಲ್ಲೂ ಉದ್ಯಾವರ ಕ್ಲಬ್ ಗೆ ಸೇರುತ್ತೇನೆಂದು ಭಾವಿಸಿಯೇ ಇರಲಿಲ್ಲ. ಮುಂಬರುವ ವರ್ಷದಲ್ಲಿ ಅಧಿಕಾರದ ಅವಧಿಯಲ್ಲಿ ಸಮಾಜ ಮುಖಿ ಸೇವಾ ಕಾಯಗಳ ಮೂಲಕ ಕ್ಲಬ್ ನ ಗೌರವವನ್ನು ಜಿಲ್ಲಾ ಮಟ್ಟದಲ್ಲಿ ಇನ್ನಷ್ಟು ಹೆಚ್ಚಿಸಲು ಪ್ರಯತ್ನಿಸುವುದಾಗಿ ತಿಳಿಸಿದರು. ಹಾಗೂ ಮುಂದಿನ ಅಧಿಕಾರ ಅವಧಿಯಲ್ಲಿ ಉತ್ತಮ ಸೇವೆ ನೀಡಿ ಕ್ಲಬ್‌ನ್ನು ಯಶಸ್ವಿಯಾಗಿ ಮುನ್ನಡೆಸಲು ಎಲ್ಲರು ಸಹಕರಿಸುವಂತೆ ಕೇಳಿಕೊಂಡರು.
“ಸೇವೆ ಮೇಲಿನ ಸ್ವಯಂ.” ಈ ಸರಳ ಮತ್ತು ಆಳವಾದ ಹೇಳಿಕೆಯು ರೋಟರಿಯನ್ನರಾಗಿ ನಾವು ಏನನ್ನು ಸಾಧಿಸಲು ಪ್ರಯತ್ನಿಸುತ್ತೇವೆ ಎಂಬುದರ ಸಾರವನ್ನು ಒಳಗೊಂಡಿದೆ. ನಮ್ಮ ಧೈಯವೆಂದರೆ ಬದಲಾವಣೆಯನ್ನು ಮಾಡುವುದು, ಸಹಾಯ ಹಸ್ತವನ್ನು ನೀಡುವುದು ಮತ್ತು ನಾವು ಸೇವೆ ಸಲ್ಲಿಸುವವರ ಜೀವನದಲ್ಲಿ ಸಕಾರಾತ್ಮಕ ಬದಲಾವಣೆಯನ್ನು ತರುವುದು. ಸಮುದಾಯದ ಪ್ರಭಾವ ಕಾರ್ಯಕ್ರಮಗಳನ್ನು ಹೆಚ್ಚಿಸುವುದು, ಯುವಕರ ತೊಡಗಿಸಿಕೊಳ್ಳುವಿಕೆಯನ್ನು ಉತ್ತೇಜಿಸುವುದು, ಸ್ಥಳೀಯ ವ್ಯವಹಾರಗಳನ್ನು ಬೆಂಬಲಿಸುವುದು ನನ್ನ ಅಧಿಕಾರ ಅವಧಿಯ ಉದ್ದೇಶವಾಗಿದೆ ಎಂದರು.
ಈ ಸಮಾರಂಭದಲ್ಲಿ ಪದಪ್ರಧಾನ ಅಧಿಕಾರಿಯಾಗಿ ರೊ. ಶೈಲೇಶ್ ಹಳದಿಪುರ ಇವರು ಭಾಗವಹಿಸಿದ್ದರು.
ಈ ಸಂದರ್ಭದಲ್ಲಿ ನೂತನ ಅಧ್ಯಕ್ಷ ರೊ. ಜೀವನ್ ಡಿ’ ಸೋಜಾ, ಕಾರ್ಯದರ್ಶಿ ರೊ. ಜೂಡ್ ನೆಲ್ಸನ್, ವಲಯ ಸೇನಾನಿ ರೊ. ಹೇಮಂತ್ ಯು. ಕಾಂತ್, ಅಸಿಸ್ಟೆಂಟ್ ಗವರ್ನರ್ ರೊ. ಜಗನ್ನಾಥ ಕೋಟೆ ಉಪಸ್ಥಿತರಿದ್ದರು
