ಉಡುಪಿ ನಗರಸಭೆ: ಬೀಳ್ಕೊಡುಗೆ ಸಮಾರಂಭ

ಉಡುಪಿ ಜೂ.30 (ಉಡುಪಿ ಟೈಮ್ಸ್ ವರದಿ): ನಗರಸಭೆಯಲ್ಲಿ ಸ್ಯಾನಿಟರಿ ಸೂಪರ್ ಆಗಿ ಕಾರ್ಯನಿರ್ವಹಿ ನಿವೃತ್ತಿ ಹೊಂದಿದ ಕೆ ದಾಮೋದರ್ ಅವರಿಗೆ ನಗರಸಭೆಯ ಸತ್ಯಮೂರ್ತಿ ಸಭಾಂಗಣದಲ್ಲಿ ಬೀಳ್ಕೊಡುಗೆ ಸಮಾರಂಭವನ್ನು ಆಯೋಜಿಸಲಾಗಿತ್ತು. 

ಸಮಾರಂಭದಲ್ಲಿ ನಿವೃತ್ತಿ ಹೊಂದಿದ ಕೆ. ದಾಮೋದರ್ ರವರಿಗೆ ಸನ್ಮಾನಿಸಿ ಗೌರವಿಸಲಾಯಿತು. ಈ ವೇಳೆ ಆ.15 ರಂದು ನಡೆಯಲಿರುವ ಯಕ್ಷಗಾನ ನಾಟಕ ಸಮ್ಮಿಲನ ಕಾರ್ಯಕ್ರಮದ ಮಾಹಿತಿ ಫಲಕವನ್ನು ಕಾರ್ಯಕ್ರಮದ ಅಧ್ಯಕ್ಷತೆ ವಹಿಸಿದ್ದ ನಗರಸಭಾ ಪೌರಾಯುಕ್ತ ರಾಯಪ್ಪ ಅವರು ಅನಾವರಣ ಗೊಳಿಸಿದರು. 

ಈ ಸಂದರ್ಭದಲ್ಲಿ ಪರಿಸರ ಅಭ್ಯಂತರರಾದ ಸ್ನೇಹ ಕೆ ಎಸ್, ಕಂದಾಯ ಅಧಿಕಾರಿ ಸಂತೋಷ್ ಎಸ್ ಡಿ, ಕಚೇರಿ ವ್ಯವಸ್ಥಾಪಕ (ಪ್ರಭಾರ) ನಾರಾಯಣ, ಕರ್ನಾಟಕ ರಾಜ್ಯ ಪೌರ ನೌಕರರ ಸಂಘದ ಮೈಸೂರು ವಿಭಾಗದ ಸಂಘಟನಾ ಕಾರ್ಯದರ್ಶಿ ಮಹೇಶ್ ಶೆಟ್ಟಿ, ಪೌರ ನೌಕರರ ಸಂಘದ ಅಧ್ಯಕ್ಷರಾದ ಸುಧಾಕರ ಕೋಟ್ಯಾನ್ ಉಪಸ್ಥಿತರಿದ್ದರು. ನಗರಸಭಾ ಪೌರ ನೌಕರರ ಸಂಘದ ಕಾರ್ಯದರ್ಶಿ ಬೇಬಿ, ಕ್ರೀಡಾ ಕಾರ್ಯದರ್ಶಿ ರಾಜೇಶ್ ಎಚ್, ಕೋಶಾಧಿಕಾರಿ ಗಾಯತ್ರಿ, ಜೊತೆ ಕಾರ್ಯದರ್ಶಿ ಪ್ರಕಾಶ್ ಪ್ರಭು ಉಪಸ್ಥಿತರಿದ್ದರು.