ಮಣಿಪಾಲ: ವ್ಯಕ್ತಿ ನಾಪತ್ತೆ

ಮಣಿಪಾಲ ಜೂ.6 (ಉಡುಪಿ ಟೈಮ್ಸ್ ವರದಿ): ಮನೆಯಿಂದ ಪರೋಟಾ ಸೇಲ್ ಮಾಡಲು ಹೋದ ವ್ಯಕ್ತಿ ವಾಪಸ್ಸು ಮನೆಗೆ ಬಾರದೆ ನಾಪತ್ತೆಯಾಗಿರುವ ಬಗ್ಗೆ ಮಣಿಪಾಲ ಠಾಣೆಯಲ್ಲಿ ದೂರು ದಾಖಲಾಗಿದೆ.

ಮಹೇಶ್ (43) ನಾಪತ್ತೆಯಾಗಿರುವವರು. ಇವರು ಮನೆಯಲ್ಲಿಯೇ ಪರೋಟಾ ತಯಾರಿಸಿ ಉಡುಪಿ, ಮಣಿಪಾಲ ಹೋಟೆಲ್ ಗಳಿಗೆ ಸೇಲ್ ಮಾಡುವ ಕೆಲಸ ಮಾಡಿಕೊಂಡಿದ್ದರು. ಅದರಂತೆ ನಿನ್ನೆ ಬೆಳಿಗ್ಗೆ ತಮ್ಮ ಸ್ಕೂಟರ್ ನಲ್ಲಿ ಮಣಿಪಾಲಕ್ಕೆ ಪರೋಟಾ ಸೇಲ್ ಗಾಗಿ ತಮ್ಮ ವಾಸದ ಮನೆಯಿಂದ ಹೊರಟಿದ್ದರು. ಮಣಿಪಾಲ ಕೆ ಎಂ ಸಿ ಆಸ್ಪತ್ರೆಯ ಕ್ಯಾಂಟೀನ್ ಗೆ ಪರೋಟಾ ಕೊಟ್ಟು ತಮ್ಮ ಸ್ಕೂಟರ್ ನ್ನು ಅಲ್ಲಿಯೇ ನಿಲ್ಲಿಸಿ ಹೋದವರು ವಾಪಾಸು ಕ್ಯಾಂಟೀನ್ ಗೂ ಬಾರದೇ ಮನೆಗೂ ಬಾರದೇ ಕಾಣೆಯಾಗಿದ್ದಾರೆ ಎಂಬುದಾಗಿ ಮಣಿಪಾಲ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.