ಕುಂದಾಪುರ: ಮೀನು ಹಿಡಿಯುತ್ತಿದ್ದಾಗ ನೀರಿನಲ್ಲಿ ಮುಳುಗಿ ವ್ಯಕ್ತಿ ಮೃತ್ಯು
ಕುಂದಾಫುರ ಮೇ 8 (ಉಡುಪಿ ಟೈಮ್ಸ್ ವರದಿ): ಗಾಳ ಹಾಕಿ ಮೀನು ಹಿಡಿಯುತ್ತಿದ್ದ ವೇಳೆ ಆಕಸ್ಮಿಕವಾಗಿ ಕಾಲು ಜಾರಿ ನೀರಿಗೆ ಬಿದ್ದು ವ್ಯಕ್ತಿಯೊಬ್ಬರು ಮೃತಪಟ್ಟ ಘಟನೆ ಕೆಂಚನೂರು ಗ್ರಾಮದ ಕಟ್ಕೆರೆ ಎಂಬಲ್ಲಿ ನಡೆದಿದೆ.
ಕೆಂಚನೂರ ಗ್ರಾಮದ ಸುಧೀಂದ್ರ (31)ಮೃತಪಟ್ಟವರು. ಇವರು ಮೇ 6 ರಂದು ಕೆಂಚನೂರು ಗ್ರಾಮದ ಕಟ್ಕೆರೆ ಎಂಬಲ್ಲಿನ ಕೆರೆಯ ಗಾಳ ಹಾಕಿ ಮೀನು ಹಿಡಿಯಲು ಹೋದವರು ಮನೆಗೆ ವಾಪಸ್ಸು ಬಾರದೇ ಇದ್ದ ಕಾರಣ ಮನೆಯವರು ಹುಡುಕಾಡಿದಾಗ ಕೆರೆ ಸಮೀಪ ಇರುವ ಬಂಡೆಯ ಬಳಿ ಸುಧೀಂದ್ರ ಅವರ ಚಪ್ಪಲಿ ಹಾಗೂ ಗಾಳದ ಬೆಂಡು ಪತ್ತೆಯಾಗಿದೆ. ಈ ವೇಳೆ ಅನುಮಾನಗೊಂಡು ಈಜುಗಾರರನ್ನು ಕರೆಯಿಸಿ ಹುಡುಕಾಡಿದಾಗ ಕೆರೆಯ ನೀರಿನಲ್ಲಿ ಸುಧೀಂದ್ರ ಅವರ ಮೃತದೇಹ ಪತ್ತೆಯಾಗಿದೆ. ಅದರಂತೆ ಸುಧೀಂದ್ರ ಅವರು ಗಾಳ ಹಾಕಲು ಹೋದ ಸಮಯ ಆಕಸ್ಮೀಕವಾಗಿ ಕಾಲು ಜಾರಿ ನೀರಿಗೆ ಬಿದ್ದು ನೀರಿನಲ್ಲಿ ಮುಳುಗಿ ಮೃತಪಟ್ಟಿದ್ದಾರೆ ಎಂಬುದಾಗಿ ಕುಂದಾಫುರ ಗ್ರಾಮಾಂತರ ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
