ಕುಂದಾಪುರ: ಆಕಸ್ಮಿಕವಾಗಿ ನೀರಿಗೆ ಬಿದ್ದು ಅಪರಿಚಿತ ವ್ಯಕ್ತಿ ಮೃತ್ಯು

ಕುಂದಾಫುರ ಮೇ 8 (ಉಡುಪಿ ಟೈಮ್ಸ್ ವರದಿ): ನದಿಗೆ ನೀರು ಕುಡಿಯಲು  ಹೋದ ಅಪರಿಚಿತ ವ್ಯಕ್ಯಿ ಆಯತಪ್ಪಿ ನೀರಿಗೆ ಬಿದ್ದು ಮೃತಪಟ್ಟ ಘಟನೆ ಕಂದಾವರ ಗ್ರಾಮದ ಸಟ್ವಾಡಿ ತಿರುವಿನಲ್ಲಿರುವ ನದಿಯಲ್ಲಿ ನಡೆದಿದೆ.

ಮೇ 6 ರಂದು ಕಂದಾವರ ಪರಿಸರದಲ್ಲಿ ತಿರುಗಾಡಿಕೊಂಡಿದ್ದ ಸುಮಾರು 35 ವರ್ಷದ ಅಪರಿಚಿತ ವ್ಯಕ್ತಿ ಮಧ್ಯಾಹ್ನದ ವೇಳೆ ಕಂದಾವರ ಗ್ರಾಮದ ಸಟ್ವಾಡಿ ತಿರುವಿನಲ್ಲಿರುವ ನದಿಗೆ ಬಾಯಾರಿಕೆಗೆ ನೀರು ಕುಡಿಯಲು ಹೋದವನು ಆಯತಪ್ಪಿ ನೀರಿಗೆ ಬಿದ್ದು ನೀರಿನಲ್ಲಿ ಮುಳುಗಿ ಮೃತಪಟ್ಟಿದ್ದಾರೆ ಎಂಬುದಾಗಿ ಕುಂದಾಫುರ ಗ್ರಾಮಾಂತರ ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.