ಕೋಟೇಶ್ವರ: ಅಶೋಕ್ ಜೋಗಿಯವರಿಗೆ ಪಿಎಚ್ ಡಿ ಪದವಿ

ಕೋಟೇಶ್ವರ ಜೂ.20(ಉಡುಪಿ ಟೈಮ್ಸ್ ವರದಿ): ಬ್ಯಾರಿಸ್ ಸಮೂಹ ಸಂಸ್ಥೆಯ ವಾಣಿಜ್ಯ ಮತ್ತು ವ್ಯವಹಾರ ಶಾಸ್ತ್ರದ ಸಹಾಯಕ ಪ್ರಾಧ್ಯಾಪಕರಾದ ಅಶೋಕ್ ಜೋಗಿ ಅವರಿಗೆ ಪಿಎಚ್ ಡಿ  ಪದವಿ ನೀಡಿ ಗೌರವಿಸಲಾಗಿದೆ.

ಇವರು ಮಂಡಿಸಿದ “ಭತ್ತ ಬೆಳೆಯ ಆರ್ಥಿಕ ವಿಶ್ಲೇಷಣೆ ಕರ್ನಾಟಕ ರಾಜ್ಯದಲ್ಲಿ ಒಂದು ತುಲನಾತ್ಮಕ ಅಧ್ಯಯನ” ಎಂಬ ಮಹಾ ಪ್ರಬಂಧಕ್ಕೆ ತುಮಕೂರು ವಿಶ್ವವಿದ್ಯಾನಿಲಯವು ಪಿಎಚ್ ಡಿ  ಪದವಿ ನೀಡಿ ಗೌರವಿಸಿದೆ. 

ಕಲ್ಲಮಂಡ್ಕೂರು ಲಕ್ಷ್ಮಣ ಜೋಗಿ ಮತ್ತು ಲಕ್ಷ್ಮೀ ಜೋಗಿ ಅವರ ಪುತ್ರರಾದ ಇವರು ಎಂಬಿಎ ಮತ್ತು ಎಂ.ಫಿಲ್ ಸ್ನಾತಕೋತ್ತರ ಪದವಿ ಪಡೆದಿದ್ದು ಅನೇಕ ರಾಷ್ಟ್ರೀಯ ಮತ್ತು ಅಂತರಾಷ್ಟ್ರೀಯ ಸಮ್ಮೇಳನಗಳಲ್ಲಿ ಅನೇಕ ಪ್ರಬಂಧಗಳನ್ನು ಮಂಡಿಸಿದ್ದಾರೆ.  ಪ್ರಸ್ತುತ ಇವರು ಬ್ಯಾರಿಸ್ ಸಮೂಹ ಸಂಸ್ಥೆಯಲ್ಲಿ ವಾಣಿಜ್ಯ ಮತ್ತು ವ್ಯವಹಾರ ಶಾಸ್ತ್ರದ ಸಹಾಯಕ ಪ್ರಾಧ್ಯಾಪಕರಾಗಿ ಕಾರ್ಯನಿರ್ವಹಿಸುತ್ತಿದ್ದಾರೆ.