ಶಂಕರನಾರಾಯಣ: ಮನೆಯಲ್ಲಿ 8.68 ಲ.ರೂ. ಮೌಲ್ಯದ ನಗ-ನಗದು ಕಳವು

ಶಂಕರನಾರಾಯಣ ಜೂ.20(ಉಡುಪಿ ಟೈಮ್ಸ್ ವರದಿ): ಕುಂದಾಪುರ  ತಾಲೂಕಿನ  ಸಿದ್ದಾಪುರ  ಗ್ರಾಮದ  ಹೆನ್ನಾಬೈಲ್ಲು  ಪಾರೆಸ್ಟ ವಸತಿ ಗೃಹದ ಬಳಿ ಇರುವ ಮನೆಯೊಂದಕ್ಕೆ ನುಗ್ಗಿದ ಕಳ್ಳರು ಲಕ್ಷಾಂತರ ರೂ. ಮೌಲ್ಯದ ನಗ-ನಗದು ಕಳವುಮಾಡಿ ಪರಾರಿಯಾಗಿರುವ ಘಟನೆ ನಡೆದಿದೆ.

ಸ್ಥಳೀಯ ನಿವಾಸಿ ಕೌಸರ ಭಾನು ಎಂಬವರ ಮನೆಯಲ್ಲಿ ಕಳ್ಳತನ ನಡೆದಿದೆ. ನಿನ್ನೆ ರಾತ್ರಿ ಇವರ ಮನೆಯ ಎದುರುಗಡೆಯ ಬಾಗಿಲಿನ  ಬೀಗ ಮುರಿದು ಒಳ ನುಗ್ಗಿದ ಕಳ್ಳರು, ಕೋಣೆಯಲ್ಲಿ ಇದ್ದ  ಗ್ರೋಡೆಜ್‌‌ನಲ್ಲಿ ಇಟ್ಟಿದ ಸುಮಾರು  8,00,000 ರೂ.  ಮೌಲ್ಯದ  25 ಪವನ್  ತೂಕದ  ಚಿನ್ನದ  ಆಭರಣ, 15,000 ರೂ. ಮೌಲ್ಯದ  ಮಗುವಿನ  ಬೆಳ್ಳಿಯ  ಆಭರಣ  ಹಾಗೂ 53,000 ರೂ. ನಗದನ್ನು ಕಳವು ಮಾಡಿಕೊಂಡು ಹೋಗಿದ್ದಾರೆ ಎಂಬುದಾಗಿ ಕೌಸರ ಭಾನು ಅವರು ನೀಡಿದ ದೂರಿನಂತೆ ಶಂಕರನಾರಾಯಣ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.