ಹೆಬ್ರಿ: ಘಾಟಿಯಲ್ಲಿ ಬಸ್ – ಬೈಕ್ ಡಿಕ್ಕಿ- ಸವಾರ ಮೃತ್ಯು- ಸಹಸವಾರೆ ಗಂಭೀರ
ಕಾರ್ಕಳ ಜೂ.18 : ಹೆಬ್ರಿ – ಆಗುಂಬೆ ಘಾಟಿಯಲ್ಲಿ ಬಸ್ ಮತ್ತು ಬೈಕ್ ನಡುವೆ ನಡೆದ ಅಪಘಾತದಲ್ಲಿ ಬೈಕ್ ಸವಾರ ಸ್ಥಳದಲ್ಲಿಯೇ ಮೃತಪಟ್ಟ ಘಟನೆ ಇಂದು ಮಧ್ಯಾಹ್ನ ನಡೆದಿದೆ.
ಮೃತಪಟ್ಟ ಬೈಕ್ ಸವಾರನನ್ನು ಶಾಸಂಕ್ (21) ಎಂದು ಗುರುತಿಸಲಾಗಿದೆ. ಅಪಘಾತದಲ್ಲಿ ಬೈಕ್ ನ ಸಹಸವಾರಿಯಾಗಿದ್ದ ನಿರ್ಮಿತ(19) ಅವರ ಸ್ಥಿತಿ ಗಂಭೀರವಾಗಿದ್ದು, ಆಕೆಯನ್ನು ಮಣಿಪಾಲದ ಆಸ್ಪತ್ರೆಗೆ ದಾಖಲಿಸಲಾಗಿದೆ.
ಅಪಘಾತದಲ್ಲಿ ಗಾಯಗೊಂಡವರನ್ನು ಆಸ್ಪತ್ರೆಗೆ ದಾಖಲಿಸುವಲ್ಲಿ 108 ಅಂಬುಲೆನ್ಸ್ ನ ಅಮರನಾಥ್ ಇಎಂಟಿ ಮಹಾಂತೇಶ್ ಹಾಗೂ ಮತ್ತೊಂದು 108 ಅಂಬುಲೆನ್ಸ್ ನ ಪೈಲೆಟ್ ಕಿಶೋರ್ ಇಎಂಟಿ ದೇವಿಕಾ ಸಹಕರಿಸಿದ್ದಾರೆ.
