ಪ್ರಧಾನಿ ಮೋದಿ ಪ್ರಚಾರ ಮಾಡಿದ 14 ಕ್ಷೇತ್ರಗಳಲ್ಲಿ ಬಿಜೆಪಿಗೆ ಸೋಲು

ಬೆಂಗಳೂರು ಮೇ 13 : ರಾಜ್ಯದಲ್ಲಿ ಬಿಜೆಪಿ ರಾಷ್ಟ್ರ ನಾಯಕರ ಸರಣಿ ಪ್ರಚಾರ ಸಭೆಗಳ ಹೊರತಾಗಿಯೂ ಬಿಜೆಪಿ ಹಲವು ಕಡೆಗಳಲ್ಲಿ ಹೀನಾಯ ಸೋಲು ಅನುಭವಿಸುವಂತಾಗಿದೆ.

ರಾಜ್ಯ ವಿಧಾನಸಭಾ ಚುನಾವಣೆ ನಿಟ್ಟಿನಲ್ಲಿ ಬಿಜೆಪಿ ರಾಷ್ಟ್ರ ನಾಯಕರಾದ ಪ್ರಧಾನಿ ನರೇಂದ್ರ ಮೋದಿ, ಅಮಿತ್ ಶಾ, ಜೆಪಿ ನಡ್ಡಾ, ಯೋಗಿ ಮೊದಲಾದವರು ಕೈಗೊಂಡ ಸರಣಿ ಪ್ರಚಾರ ಸಭೆಗಳು ಯಾವುದೇ ಪ್ರಯೋಜನವಾಗಿಲ್ಲ. ಅದರಲ್ಲೂ ಪ್ರಧಾನಿ ನರೇಂದ್ರ ಮೋದಿ ಅವರು ಪ್ರಚಾರ ಮಾಡಿದ 18 ಕ್ಷೇತ್ರಗಳಲ್ಲಿ ತುಮಕೂರು, ವಿಜಯಪುರ, ಬೇಲೂರು, ಮೂಡಬಿದಿರೆ ಗೆದ್ದಿದೆ ಬಿಟ್ಟರೆ ಉಳಿದ 14 ಕ್ಷೇತ್ರಗಳಾದ ಕೋಲಾರ, ಚನ್ನಪಟ್ಟಣ, ಚಿತ್ರದುರ್ಗ, ವಿಜಯನಗರ, ಸಿಂಧನೂರು, ಅಂಕೋಲಾ, ಕುಡಚಿ, ಬೈಲಹೊಂಗಲ, ಬಳ್ಳಾರಿ, ಬಾದಾಮಿ, ಶಿವಮೊಗ್ಗ ಗ್ರಾಮಾಂತರ, ಹಾವೇರಿ, ನಂಜನಗೂಡು, ಹುಮನಾಬಾದ್ ನಲ್ಲಿ ಬಿಜೆಪಿ ಸೋಲು ಕಂಡಿದೆ.