ಮಲ್ಪೆ: ಅನುಮನಾಸ್ಪದವಾಗಿ ಸಾಗಿಸುತ್ತಿದ್ದ ಪ್ಲಾಸ್ಟಿಕ್ ಚೀಲ ವಶ

ಮಲ್ಪೆ ಎ.5(ಉಡುಪಿ ಟೈಮ್ಸ್ ವರದಿ): ನೇಜಾರು ಚೆಕ್ ಪೋಸ್ಟ್ ನಲ್ಲಿ ಅನುಮನಾಸ್ಪದವಾಗಿ ಸಾಗಿಸುತ್ತಿದ್ದ ಪ್ಲಾಸ್ಟಿಕ್ ಚೀಲಗಳನ್ನು ಮಲ್ಪೆ ಪೊಲೀಸರು ವಶಕ್ಕೆ ಪಡೆದುಕೊಂಡಿದ್ದಾರೆ.

ನಿನ್ನೆ ಮಲ್ಪೆ ಪೊಲೀಸರು ರೌಂಡ್ಸ್  ಕರ್ತವ್ಯದಲ್ಲಿ ಇರುವಾಗ  ಸಂತೆಕಟ್ಟೆ ಕಡೆಯಿಂದ ನೇಜಾರು ಕಡೆಗೆ ವೇಗವಾಗಿ ಹೋಗುತ್ತಿದ್ದ ಓಮಿನಿ ಕಾರನ್ನು ಇಲಾಖಾ ವಾಹನದಲ್ಲಿ ಬೆನ್ನಟ್ಟಿ ಹೋದ್ದು, ನೇಜಾರು ಚೆಕ್ ಪೋಸ್ಟ್ ಕರ್ತವ್ಯದಲ್ಲಿ ಇದ್ದ ಪೊಲೀಸರು ವಾಹನವನ್ನು ತಡೆದು ಪರಿಶೀಲಿಸಿದರು. ಈ ವೇಳೆ  ಕಾರಿನ ಹಿಂಬದಿ ಸೀಟಿನ ಬಳಿ 22,452 ರೂ. ಮೌಲ್ಯದ  ಪ್ಲಾಸ್ಟಿಕ್ ಚೀಲಗಳು ಕಂಡು ಬಂದಿದೆ. ಕಾರಿನ ಚಾಲಕ ಅಪ್ರೂದ್ಧೀನ್ ಬಳಿ ಈ ಬಗ್ಗೆ ವಿಚಾರಿಸಿದಾಗ ಯಾವುದೇ ದಾಖಲಾತಿ ಇರುವುದಿಲ್ಲವಾಗಿ ತಿಳಿಸಿದ್ದು, ಅದರಂತೆ ಪೊಲೀಸರು ಸೊತ್ತುಗಳನ್ನು ವಶಪಡಿಸಿಕೊಂಡಿದ್ದು, ಈ ಬಗ್ಗೆ ಮಲ್ಪೆ ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.