ಉಡುಪಿ: ತೆಲಂಗಾಣಕ್ಕೆ ಹೊರಟಿದ್ದ ಯುವಕ ನಾಪತ್ತೆ
ಉಡುಪಿ ಎ.4(ಉಡುಪಿ ಟೈಮ್ಸ್ ವರದಿ): ಕೆಲಸದ ನಿಮಿತ್ತ ತೆಲಂಗಾಣಕ್ಕೆ ಹೋಗುತ್ತೇನೆಂದು ಹೇಳಿ ಹೋದ ಯುವಕನೋರ್ವ ಮಾ.13 ರಿಂದ ಉಡುಪಿ ನಗರ ಠಾಣಾ ವ್ಯಾಪ್ತಿಯಿಂದ ನಾಪತ್ತೆಯಾಗಿದ್ದಾರೆ.
ವಿಜೇತ (26) ನಾಪತ್ತೆಯಾಗಿರುವವರು. ಇವರು ತೆಲಂಗಾಣದಲ್ಲಿ ಹೋಟೇಲ್‌ ನಲ್ಲಿ ಕೆಲಸ ಮಾಡಿಕೊಂಡಿದ್ದು, ಮಾ.2 ರಂದು ಊರಿಗೆ ಬಂದಿದ್ದರು. ಬಳಿಕ ಮಾ.13 ರಂದು ಪುನಃ ತೆಲಂಗಾಣಕ್ಕೆ ಹೋಗುತ್ತೇನೆಂದು ಹೇಳಿ ಹೋದವರು ಅಲ್ಲಿಗೆ ಹೋಗದೆ ಮನೆಗೂ ಬಾರದೇ ಕಾಣೆಯಾಗಿದ್ದಾರೆ.
ಆದರೆ ವಿಜೇತ ಅವರ ಅಣ್ಣ ವಿಶ್ವನಾಥ ರವರು ಮಾ.16 ರಂದು ವಿಜೇತ ಅವರನ್ನು ಉಡುಪಿ ಬಸ್‌ ನಿಲ್ದಾಣದಲ್ಲಿ ನೋಡಿದ್ದರು ಎಂಬುದಾಗಿ ವಿಜೇತ ಅವರ ತಾಯಿ ಜಯಲಕ್ಷ್ಮೀ ಅವರು ನೀಡಿದ ಮಾಹಿತಿಯಂತೆ ಉಡುಪಿ ನಗರ ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
