ಬ್ರಹ್ಮಾವರ: ಕ್ಷುಲ್ಲಕ ಕಾರಣಕ್ಕೆ ವ್ಯಕ್ತಿ ಮೇಲೆ ಹಲ್ಲೆ
ಬ್ರಹ್ಮಾವರ ಎ.1(ಉಡುಪಿ ಟೈಮ್ಸ್ ವರದಿ): ಕ್ಷುಲ್ಲಕ ಕಾರಣಕ್ಕೆ ವ್ಯಕ್ತಿಯೊಬ್ಬರಿಗೆ ಹಲ್ಲೆ ನಡೆಸಿ ಬೆದರಿಕೆ ಹಾಕಿರುವ ಬಗ್ಗೆ ಬ್ರಹ್ಮಾವರ ಠಾಣೆಯಲ್ಲಿ ದೂರು ದಾಖಲಾಗಿದೆ.
ಈ ಬಗ್ಗೆ ಹಲ್ಲೆಗೊಳಗಾದ ಸುಜಯ್ ಆಚಾರ್ಯ ಎಂಬವರು ಪೊಲೀಸರಿಗೆ ದೂರು ನೀಡಿದ್ದು, ಅದರಂತೆ ಸುಜಯ್ ಆಚಾರ್ಯ ಅವರು ನಿನ್ನೆ ರಾತ್ರಿ ಅವರ ಸ್ನೇಹಿತ ನಿಲೇಶ್ ಪೂಜಾರಿಯವರೊಂದಿಗೆ ಹನೇಹಳ್ಳಿ ಗ್ರಾಮದ ರೈಲ್ವೆ ಬ್ರಿಡ್ಜ್ ಬಳಿ ಇರುವ ಬಾರ್‌ ಗೆ ತೆರಳಿದ್ದರು. ನಂತರ ಅವರು ಹೊರಗೆ ಬರುವಾಗ ಬಾರ್‌ನ ಆವರಣದಲ್ಲಿ ಇದ್ದ ಅವರ ಪರಿಚಯದ ರವಿ ಗಾಣಿಗ ಹಾಗೂ ವಿಮಲ ಪೂಜಾರಿ ಅವರು ಸುಜಯ್ ಆಚಾರ್ಯ ಅವರನ್ನು ಅಡ್ಡಗಟ್ಟಿ ತಡೆದು ನಿಲ್ಲಿಸಿ, ಹಲ್ಲೆ ನಡೆಸಿ, ಬೆದರಿಕೆ ಹಾಕಿದ್ದಾರೆ ಎಂಬುದಾಗಿ ನೀಡಿದ ದೂರಿನಂತೆ ಬ್ರಹ್ಮಾವರ ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
